ساڵی كشانی ئەستێرەكان

.

ساڵی 2020 بۆ كوردستان و عیراق و ناوچەكە و جیهان، ساڵێكی پڕ‌ لە رووداو و پێشهاتی گرنگی سیاسی و تەندروستی و ئابووری و ئەمنی بوو، جگە لەوەش ئەوەی جێی سەرنجە ژمارەیەكی زۆر كەسایەتی سیاسی و ئایینی و كۆمەڵایەتی و هونەری و وەرزشی كۆچی دواییان كرد، هەر بۆیە بۆ بەبیرهێنانەوە و تۆماركردنی گرنگترین ئەو رووداوانەی لەماوەی ساڵی رابردوودا لەگەڵیان ژیاین، PUKmedia سەرنجی وەرگرانی رادەكێشێت بۆ ئەو مەرگە بە كۆمەڵەی رووی لە كەسایەتی سیاسی و ئاینی و كۆمەڵایەتی و شاعیر و رۆشنبیران كرد:

لە ساڵی 2020 ژمارەیەكی زۆر كەسایەتی ئاینی لە كوردستان كۆچی دواییان كرد كە هەندێكیان لەسەر ئاستی جیهان ناسراو بوون و شوێنكەوتوویان هەیە:

15-6-2020: میر كامیران خەیری بەگ یاریدەدەری میری كوردانی ئێزدی بۆ كاروباری ئاینی كۆچی دوایی كرد.

15-6-2020: مامۆستا مەلا محەمەدی بەحركە تێكۆشەری دێرین و كۆڵنەدەری بزوتنەوەی كوردایەتی دوای ململانێ لەگەڵ نەخۆشی كۆچی دوایی كرد.

1-10-2020: بابەشێخ كەسایەتیی ناسراوی كوردانی ئێزدی و رابەری رۆحیی ئێزدییەكان لەیەكێك لە نەخۆشخانەكانی هەولێر لە تەمەنی 87 ساڵیدا كۆچی دوایی كرد.

7-10-2020: شێخ سالاری حەفید سەرپەرشتیاری مەزارگەی كاك ئەحمەدی شێخ و مەلیك مەحمود لەمزگەوتی گەورەی سلێمانی بەنەخۆشی لەوڵاتی توركیا كۆچی دوایی كرد.

4-7-2020:  شێخ محەممەدی شێخ عەبدولكەریم كەسنەزانی كەسایەتی ناسراوی ئاینی كوردستان و سەرۆكی تەریقەتی قادری لە تەمەنی 82 ساڵیدا لە ئەمریكا كۆچی دوایی كرد.

هاوكات لە ساڵی 2020 دا كەسایەتییە سیاسی و سەربازی و ئەكادیمی و ئیدارییەكانیش بەشی گەورەیان بەركەوت لە ماڵئاوایی كردنی یەكجاری، كە بەشێكیان بەهۆی تووشبوونیان بە ڤایرۆسی كۆرۆنا كۆچی دوایان كرد:

5-5-2020: ئیرەجی كەشكۆڵی سایەتمەداری كورد و دۆستێكی دێرینی سەرۆك مام جەلال لە پاریس بە ڤایروسی كۆرۆنا گیانی لەدەستدا.

31-7-2020: جەلال عەبدولقادر ناسراو بە (رائید جەلال) فەرماندەی دێرینی یەكێتیی نیشتمانیی كوردستان كۆچی دوایی كرد كە ماوەیەكی زۆربوو تووشی نەخۆشی درێژخایەن ببوو.

6-8-2020:  جەلیل گادانی، ئەندامی پێشووی رێبەریی حزبی دیموكرات، لە تەمەنی 86 ساڵیدا بەهۆی كۆرۆناوە گیانی لەدەست دا.

19-8-2020:  مامۆستای زانكۆ و پێشمەرگەی دێرین پرۆفیسۆر دكتۆر محەمەد كەساس جەباری سەرۆكی بەشی كوردی لە زانكۆی سلێمانی بە جەڵتەی دڵ كۆچی دوایی كرد.

21-8-2020: باڵیۆز ئەحمەد بامەڕنی تێكۆشەری دێرینی یەكێتیی نیشتمانیی كوردستان و دیپلۆمات و پێشمەرگە و نوێنەری یەكێتی لە چەند وڵاتێكی ئەوروپی دوای توشبونی بە ڤایرۆسی كۆرۆنا گیانی لەدەستدا.

7-9-2020: مامۆستا عومەر حەمەساڵح ناسراو بەمامۆستا عومەر شیرەمەڕی پێشمەرگەی دێرینی یەكێتیی نیشتمانیی كوردستان و زیندانی سیاسی و بریكاری پێشوتری وەزارەتی پەروەردەو سەرۆكی پێشوی یەكێتی مامۆستایانی كوردستان بەكۆرۆنا كۆچی دوایی كرد.

29-9-2020: سەڵاح كوێخا سەرپەرشتیاری پێشووی ئیدارەی گەرمیان و پێشمەرگەی دێرینی یەكێتیی نیشتمانیی كوردستان بەهۆی ڤایرۆسی كۆرۆناوە لەسلێمانی گیانی لەدەستداو لەگۆڕستانی بەرلوت لەكەلار بەخاكسپێردرا.

31-10-2020: د.نەجمەدین كەریم پارێزگاری پیشووی كەركوك لەئەمریكا بەهۆی جەڵدەی مێشكەوە كۆچی دوایی كرد.

10-11-2020: قادری حاجی عەلی كەسایەتی سیاسی دیاری كوردستان بەهۆی نەخۆشییەوە كۆچی دوایی كرد.

18-11-2020: فرسەت سۆفی پارێزگاری هەولێر بەهۆی تووشبوونی بە ڤایرۆسی كۆرۆنا، كۆچی دوایی كرد.

22-11-2020: لیوا مەحمود بێسەری، فەرماندەی لیوای یەكی سكرتاریەتی سەرۆك مام جەلال دوای زیاتر لە مانگێك لەتووشبوونی بە ڤایرۆسی كۆرۆنا، لە سلێمانی گیانی لەدەستدا.

29-11-2020: عیدۆ بابا شێخ پەرلەمانتاری خولی یەكەمی پەرلەمانی كوردستان و برای بابا شێخی پێشووتری ئێزدیەكان بەهۆی ڤایرۆسی كۆرۆناوە لەتەمەنی 65 ساڵیدا كۆچی دوایی كرد.

1-12-2020 :بەهادین نوری سیاسەتمەداری ناسراوی كورد و سكرتێری پێشووتری حزبی شیوعی عیراق بەهۆی ڤایرۆسی كۆرۆناوە لەشاری سلێمانی كۆچی دوایی كرد.

هەروەها 2020 ساڵی هەڵوەرینی هونەرمەند و نووسەر و شاعیران بوو، بەشێوەیەك لەمساڵدا دەتوانین بڵێین زۆرترین هونەرمەند بەجێیان هێشتین، PUKmedia ناو و رێكەوتی ماڵئاوایی ژمارەیەكیان دەخاتەڕوو:

رۆژی 26-7-2020: نووسەر و هونەرمەند و شێوەكار عەبدولستار تۆفیق ناسراو بە عەبدولستار شارباژێڕی لە تەمەنی 66 ساڵیدا بەهۆی ڤایرۆسی كۆرۆناوە لە سلێمانی كۆچی دوایی كرد.

10-10-2020: مامۆستا و شاعیری ناوداری كورد عەلی عەبدوڵا سۆفی ناسراو بە (ع. ع. شەونم) لە تەمەنی 91 ساڵیدا كۆچی دوایی كرد.

25-10-2020:  كاكە مەم بۆتانی نووسەر و سەرۆكی یەكێتیی نووسەرانی كورد بەهۆی نەخۆشییەوە كۆچی دوایی كرد.

31-10-2020: جەلال مەلەكشا شاعیری ناوداری رۆژهەڵاتی كوردستان لەتەمەنی 69 ساڵیدا لەشاری سنە بەجەڵتەی دڵ كۆچی دوایی كرد.

4-5-2020: سەعید گاباری هونەرمەندی كوردی أۆژئاوای كوردستان بەهۆی نەخۆشی شێرپەنجەوە كۆچی دوایی كرد.

4-5-2020: نەجەف دەریا بەندەری نووسەر و وەرگێأی ناوداری ئێران كۆچی دوایی كرد.

25-5-2020: مستەفا خوأەم دڵ نوسەری ناوداری كورد و خاوەن چەندین بەرهەمی ئاینی لە شاری مهاباتی رۆژهەڵاتی كوردستان كۆچی دوایی كرد. 

30-5-2020: حەسەن حوسنی گەورە ئەكتەری ناسراوی میسر لە تەمەنی 89 ساڵیدا كۆچی دوایی كرد.

15-6-2020: محەمەد عەلی كشاوەرز ئەكتەری ناوداری ئێران لە تەمەنی 90 ساڵیدا بەهۆی نەخۆشییەوە كۆچی دوایی كرد.

22-6-2020: هونەرمەندی دیاری كورد عەتا چاوشین بە هۆی پەتای كۆرۆناوە لە سلێمانی گیانی لەدەست دا.

10-8-2020: هونەرمەند سابیر كوردستانی دوای توشبوون بەكۆرۆنا و مانەوەی بۆ ماوەی 12 رۆژ لەنەخۆشخانەی ئاسای تایبەت بەچارەسەری تووشبووانی كۆرۆنا لە تەمەنی 65 ساڵێدا كۆچی دوایی كرد.

12-8-2020: هونەرمەندی میسری بواری شانۆو دراما (سەنا‌و شافع) لەتەمەنی 73 ساڵیدا كۆچی دوایی كرد.

14-10-2020: مەحمود یاسین هونەرمەندی میسری دوای ململانێیەكی زۆر لەگەڵ نەخۆشی لەتەمەنی 79 ساڵیدا كۆچی دوایی كرد.

24-12-2020: محەمەد عەلی شاكر، میوزیكزان و ئاوازدانەری بەناوبانگی كورد، لەتەمەنی 76 ساڵیدا لەیەكێك لەنەخۆشخانەكانی شاری قامیشلۆ لەرۆژئاوای كوردستان بەنەخۆشی كۆرۆنا كۆچی دوایی كرد.

26-12-2020:هونەرمەند ئاری بابان بەڕێوەبەری پێشووتری كتێبخانەی گشتی سلێمانی لە تەمەنی 67 ساڵیدا بە نەخۆشی كۆچی دوایی كرد.

وەرزشوانانی كوردستان و جیهانیش لە لێشاوی ماڵئاوایی یەكجاری ساڵی 2020 بێبەش نەبوون و چەندین ئەستێرەی ناسرا و دیاری ئەو بوارە كشان، لەو ناوە دیارانەی بواری وەرزشیش:

3-5-2020: نەشوان شێروانی راهێنەری دیاری تایكواندۆ لە كوردستان لە رووداوێكی دڵتەزێندا گیانی لەدەست دا.

11-6-2020: توانا حەمە نوری وەرزشكاری شاری سلێمانی كۆچی دوایی كرد. 

12-6-2020: عەلی هادی راھێنەری پێشووی یانەی زاخۆ بەھۆی ڤایرۆسی كۆرۆناوە گیانی لەدەستدا.

21-6-2020: ئەحمەد رازی ئەستێرەی بەناوبانگی تۆپی پێی عیراق بەهۆی ڤایرۆسی كۆرۆناوە كۆچی دوایی كرد.

24-6-2020: محەمەد یاسین پاڵەوانی عیراق و ئاسیا لە یاری بەرزكردنەوەی قورسایی بەكۆأۆناوە لە وڵاتی سوید كۆچی دوایی كرد.

10-7-2020: وەرزشكاری  دیاری پێشووی كوردستان و گەرمیان  عەبدول وەهاب عەباس جێگری سەرۆكی یانەی كفری پاش مانەوەی دوو سەعات لە نەخۆشخانە گیانی لەدەستدا .

25-11-2020: دیگۆ ئەرماندۆ مارادۆنای ئەفسانەی پێشووی تۆپی پێ ئەرجەنتین و جیهان لەتەمەنی 60 ساڵیدا كۆچی دوایی كرد.

10-12-2020:پاوڵۆ روسی، ئەستێرەی یەكەمی هەڵبژاردەی ئیتاڵیا لە جامی جیهانی ساڵی 1982 لە تەمەنی 64 ساڵی كۆچی دوایكرد.

13-12-2020: دلێر رەسوڵ وەرزشكار پێشووی دیاری باسكەی كوردستان و هەڵبژاردەی عیراق، پاش ململانێییەكی درێژ لەگەڵ نەخۆشی، كۆچی دوایی كرد.

5-5-2020: ئیقبال لوتفەڵا أاهێنەری تۆپی سەرمێزی رۆژهەڵاتی كوردستان بەهۆی جەڵدەی دڵەوە لە سنە، گیانی لەدەست دا.

PUKmedia تایبه‌ت