نوێنه‌رایه‌تی نه‌ته‌وه‌یه‌كگرتووه‌كان له‌عیراق رایگه‌یاند، شوێنه‌واره‌ ده‌وڵه‌مه‌نده‌كه‌ی عیراق یه‌كێكه‌ له‌هه‌ره‌ گرینگترین سه‌رچاوه‌كان و سامانی هه‌موو كه‌سێكیشه‌و هه‌ر بۆیه‌ ئه‌م كه‌له‌پوره‌ ته‌لارسازییانه‌ پێویسته‌ بۆ سوودی نه‌وه‌كانی داهاتوو بپارێزرێن.

ئاماژه‌ی بۆ ئه‌وه‌شكردوه‌، شاری دێرینی سه‌رنجڕاكێشی بابل به‌ڕاستی یه‌كێكه‌ له‌ رابردووه‌ سه‌رسوڕهێنه‌ره‌كانی عیراق و بابل، كه‌ده‌كه‌وێته‌ 80 كیلۆمه‌تری باشووری به‌غدا.

و به‌هۆی مێژووه‌ شوێنه‌وارییه‌كه‌ی و كه‌له‌پوره‌ دڵڕفێنه‌كه‌ی بووه‌ته‌ جێگای خۆشه‌ویستیی خه‌ڵك. 

ئه‌م شاره‌ زیاتر به‌باخچه‌ هه‌ڵواسراوه‌كانی به‌ناوبانگه‌ كه‌ یه‌كێكه‌ له‌ 7 سه‌رسوڕهێنه‌ره‌كانی جیهان و له‌ساڵی 2019شدا، بابل چووه‌ته‌ ناو لیستی شوێنه‌واری ڕێكخراوی یونیسكۆوه‌. 

PUKmedia وێنه‌: سه‌رمه‌د ئه‌لسافی / به‌شی ڕاگه‌یاندنی یۆنامی