ژنێک سەختی ژیان نایبەزێنێت

.

17 ساڵە هاوسەرگیری كردوە، هاوشانی پیاوەكەی پاڵ  بەعەرەبانەوە دەنێت و بژێوی منداڵەكانی دەردەهێنێت، ئاواتی ئەوەیە كەژیانی خەڵك باش ببێت.

ئەو ژنە كە مەرجی هەبووە كە ناوی نەهێنرێت و رووخساری بەروونی پیشان نەدرێت، لەبارەی ئەو كارەیەوە وتوویەتی:" 17 ساڵە ژیانی هاوسەرگیری پێكهێناوە،خاوەنی كوڕو كچێكە..شەوان لەگەڵ كچە بچووكەكەی بە شەقامە گشتییەكانی شاری سلێمانیدا دەگەڕێت بە عارەبانەیەكەوە شێلم دەفرۆشێت.

ئەو ژنە ئەوەشی وتووە:"  هاوژینەكەشم هەمان كار دەكات، بەڵام ئەو لە بەیانییەوە تا ئێوارەو شەوانیش نۆرەی منە‌ بە عارەبانەی هاوژینەكەم شێلم دەفرۆشم بۆ بژێوی خۆم و خێزانەكەم.

لەبارەی بژێوی ژیانی خۆی زیاتر قسەیكردوەو وتوویەتی:" سەرەڕای ئەوەی خۆم و هاوژینەكەم كاردەكەین، بەڵام ژیان هێندە قورس بووە هێشتا فریا ناكەوین و دۆخی داراییمان خراپە.

  ئەو ژنە  ئاواتی ئەوەیە لە وڵاتێكی پڕنەوت و خێروبێردا دۆخی خەڵك باش ببێت.

PUKmedia ماڵپەڕی راچەڵەكین