ژیان چییە؟

* ژیان شیرینە، پێویستە بۆی ببیتە فەرھاد.

* لاپتۆپەکەی ئاشتی ھەورامییە، پڕە لە نهێنی.

* رۆژی دروستبوونی سلێمانییە، ھەر یەکەی رەئێکی ھەیە لە سەری.

* کۆمەڵێک ھەل و دەرفەتە، پێویستە حیز فرسەت بیت.

* سەروپێ چاکردنە، قورس و بۆگەنە.

* ئەو ھەموو قەسابەی خەلەکانە، لە حیکمەتەکەی تێناگەین.

* بارەگای حیزبە لە رانیە، ھەر رۆژێ بێ ئەبێ جێی بێڵین.

* ترێی شارباژێڕە، چەند رەنجی لەگەڵدا بکێشی بایی پولێکە.

* قەتار و ئەڵاوەیسییە، کەس عەلی مەردان نییە.

* کارەبایە، نابێ بە تەمای حکومەت بی.

* خوێندنی ئۆنلاینە، زۆبەمان ھیچی لێوە فێر نابین.

* ھێڵکاری دڵە، بەرزی و نزمی تیا نەبێ مەعنای وایە مردوویت.