سلێمانی.. چەندین فیلمی نوێی سینەمایی نمایشدەكرێت

.

بەبۆنەی یادی سینەماوە بەشی هونەری سینەمای سلێمانی چەند چالاكییەك رێكدەخات و خەڵاتی رێزلێنان دەبەخشێتە ژمارەیەك هونەرمەند، بۆ یەكەمینجاریش 12 فیلمی نوێ نمایشدەكات.

لەوبارەیەوە مەریوان ئیبراهیم بەڕێوەبەری بەشی هونەری سینەمای سلێمانی بە PUKmedia ی راگەیاند: لە رۆژی جیهانی سینەمادا، بەشی هونەری سینەمای سلێمانی سەر بە بەڕێوەبەرایەتی رۆشنبیری و هونەری سلێمانی، لە هۆڵی تەلاری هونەر رێوڕەسمێكی تایبەت رێكدەخات و تێیدا 12 فیلمی نوێ نمایشدەكات، كە سەرجەمیان لەلایەن بەشی هونەری سینەمای سلێمانی-یەوە بەرهەمهێنراون.

وتیشی: هەر لە درێژەی چالاكییەكانی بەشی هونەری سینەمای سلێمانی-دا چەند هونەرمەندێكی شارەكە خەڵاتی رێزلێنانیان پێدەبەخشرێت و چەندین پارچە میوزیك و گۆرانی پێشكەشی ئامادەبووان دەكرێت.

راشیگەیاند: رێوڕەسمەكە سەعات 4ی پاشنیوەڕۆی رۆژی دوو شەممە 28 -12-2020 دەستپێدەكات و دوو رۆژ دەخایەنێت.

بۆ یەكەم جار لە فەڕەنسا برایانی لۆمیر یەكەم سینەماتۆگراف (كامیرای فیلم هەڵگرتن)یان داهێنا و دەستیان پێ كردووە، لەو رۆژەدا وێنەی جووڵە دەستی كرد بەنمایش و ساڵی 1895 یادی 100 ساڵەی لە پاریس كرایەوە و ئێستەش ئەو هۆڵە سینەمایییە لە فەڕەنسا بەردەوامە و ساڵانە لە وڵاتان یادی ئەو ڕۆژە دەكرێتەوە بەشێوەی جیاواز.

PUKmedia  ژینەر محەمەد