سبه‌ینێ زه‌وی ده‌بێت به‌دوو به‌شه‌وه‌

.

سبه‌ی دووشه‌ممه‌ ( 2020/12/21 ) له‌ نیوه‌گۆی باكووری زه‌وی وه‌رگه‌ڕانی زستانه‌یه‌ و له‌ نیوه‌گۆی باشووری زه‌ویش وه‌رگه‌ڕانی هاوینه‌یه‌:

به‌هۆی سوڕانه‌وه‌ی زه‌وی به‌ده‌وری خۆردا چوار وه‌رزه‌كه‌ دروست ده‌بێت، سبه‌ی دووشه‌ممه‌ تیشكی خۆر له‌سه‌ر خولگه‌ی كارژۆڵه‌ ئه‌ستوون ده‌بێت كه‌ ده‌كه‌وێته‌ سه‌ر هێڵی بازنه‌ی پانی ( 23.5 ) باشووری كه‌مه‌ره‌ی زه‌وی، به‌م هۆیه‌شه‌وه‌ تیشكی خۆر به‌لاری به‌ر نیوه‌گۆی باكوور ده‌كه‌وێت، به‌مه‌ش له‌ نیوه‌گۆی باكوور سه‌ره‌تای وه‌رزی زستان ده‌بێت و له‌ نیوه‌گۆی باشووری زه‌ویش سه‌ره‌تای وه‌رزی هاوین ده‌بێت، ئه‌مشه‌و درێژترین شه‌وه‌ له‌ نیوه‌گۆی باكووری زه‌وی واته‌ " شه‌وی یه‌ڵدایه‌ " و سبه‌ی كورتترین ڕۆژه‌ له‌ نیوه‌گۆی باكووری زه‌وی، به‌ڵام له‌ نیوه‌گۆی باشووری زه‌وی به‌پێچه‌وانه‌وه‌ ئه‌مشه‌و كورتترین شه‌وه‌و سبه‌ی درێژترین ڕۆژه‌، چونكه‌ له‌ نیوه‌گۆی باشوور سه‌ره‌تای وه‌رزی هاوینه‌، هێڵی سفری بازنه‌ی پانی ده‌كه‌وێته‌ ناوه‌ڕاستی كه‌مه‌ره‌ی زه‌ویه‌وه‌ و هه‌ردوو نیوه‌ گۆی باكوور و باشوور لێك جیاده‌كاته‌وه‌.

PUKmedia تایبه‌ت