ئەوکەسەی نەیهێشت بینینمان بەدیار شاشەوە بێزارمان بێت، هەردی عومەر، لۆگۆیەکی دیار و پڕشنگداری ناو دونیای ڕاگەیاندنە، ئەو بە کامێراکەی پانتاییەکی گەورەی لە یادەوەری هەموومان داگیر کردووە، بە تایبەت بەو کلیپانەی کە لە تاراوگەوە لە دوای ساڵی ٢٠٠٠ بەرهەم هاتن و ڕوویەکی تری دونیایان بە بینین ئێمە ئاشنا کرد.

هەردی  ئەو سەلیقەیەی لە نەخشاندنی ڕەنگەکاندا هەیبوو بونە پاڵنەرێک بۆی کە هەنگاوێکی تر بنێت لە بەخشینی نیگا پڕ سەلیقەکانی کە خۆی لە  کاری وێنەگرتنی  ڤیدیۆیدا بینیەوە . 

 هەردی عومەری کامێرامان کە ساڵانێکی زۆر لە نێو میدیای کوردیدا لە سەر تایتڵەکانی زۆرێک لە کلیپ و پڕۆگرام و بابەتە تەلەفزیۆنیەکاندا وەک کامێرامان و دەرهێنەر و سیناریست و ئامادەکار  ناوەکەیمان بەرچاو دەکەوت  با بزانین ئەم  هونەرمەند و میدیا کارە کێیە؟

هەردی عومەر 

لەدایکبووی سلێمانی گەرەکی گۆیژەیە 

سەرەتای کارکردنی وەک شیوەکار دەرکەوت

خاوەنی دوو پێشانگەی تایبەتی شێوەکاریە 

بەشداری چەندین پێشانگەی هاوبەش کردووە

ئەندامی گرووپی چالاکی شەش شێوەکار بووە چەندین پێشانگەیان پێکەوە کردۆتەوە

سەرەتای کارکردنی لە تی ڤی دەگەڕێتەوە بۆ ساڵی 1992 وەک وێنەگر هەر دەست پێکردنی کاری ڕاگەیاندن بەدیار کەوتووە وەک کلیپساز 

چەندین بەرنامەو دیکۆمێنتی تەلەفیزیۆنی دروست کردوە 

ساڵی 1996 بەرپرسی بەشی کامێرا بوو 

ساڵی 1998 چۆتە ووڵاتی سوید 

دووای یەک ساڵ 1999-2000  چەندین ڤیدیۆ کلیپی درووست کردووە بۆ کۆمەڵێک هونەرمەند کە ئێستا زۆر ناودارن لە کوردا 

ـ چەندین خەڵاتی بەدەست هێناوە لە بوواری ڤیدیۆ کلیپ 

ـ کۆمپانیای یارا فیلم ی درووست کرد کە تووانی زۆرترین کاری ڤیدیۆ کلیپ بکات بۆ کورد وعەرەب و فارسەکان 

لە سەرەتای دامەزراندنی کوردسات تیڤی کاری کردووە لە دەرەوەی ووڵات سەرەتا بەرپرسی نوسینگەی سوید پاشان بوو بە بەرپرسی نوسینگەکانی دەرەوەی کوردسات 

ساڵی 2017  وازی  لە کەناڵی کوردسات هێنا ـ 

وەک فریلانسەر بەردەوام لە کارکردن. 

PUKmedia کۆچەر عومەر