هونه‌رمه‌ندێكی ناوداری كورد كۆچی دوایی كرد

.

ژه‌نیاری ناوداری كورد قادر قادری ناسراو به‌ قودره‌ت ئاغایی له‌ ته‌مه‌نی 93 ساڵی به‌هۆی نه‌خۆشییه‌وه‌  له‌ مه‌هاباد كۆچی دوایی كرد.

به‌پێی زانیارییه‌كان به‌یانی ئه‌مڕۆ چوارشه‌ممه‌ 16-12-2020 هونه‌رمه‌ند و ژه‌نیاری ناوداری كوردی قادر قادری ناسراو به‌ قودره‌ت ئاغایی  به‌هۆی نه‌خۆشی له‌ ته‌مه‌نی 93 ساڵیدا له‌شاری مه‌هاباد له‌ڕۆژهه‌ڵاتی كوردستان ماڵئاوایی له‌ژیان و هونه‌ر كرد.

ئه‌و هونه‌رمه‌نده‌ ژه‌نیاری بۆ هونه‌رمه‌ندان حه‌سه‌ن زیره‌ك و محه‌مه‌د ماملێ و سه‌ید محه‌مه‌د سه‌فایی و چه‌ند هونه‌رمه‌ندی دیكه‌ كردووه‌.

 قودره‌ت ئاغایی توانایی هه‌بووه‌ له‌ ژه‌نینی ئامێره‌كانی زه‌رب، نایه‌، تووزه‌له‌ و زوڕنا و به‌شداری له‌ چه‌ندین فێستیڤاڵی موزیك كردبوو.  

به‌پێی زانیارییه‌كان بڕیاره‌ ئه‌مڕۆ له‌ گۆڕستانی مه‌هاباد له‌ به‌شی هونه‌رمه‌ندان به‌خاك بسپێردرێت.

PUKmedia باشیلا جه‌عفه‌ر