ڕۆمانی به‌فر و خوێن چاپ و بڵاوكرایه‌وه‌

.

نوێترین به‌رهه‌می نووسه‌ر و ڕۆماننووس جه‌بار عوسمان له‌ژێر ناوی به‌فر و خوێن چاپ و بڵاوكرایه‌وه‌.

نووسه‌ر و ڕۆماننووس جه‌بار عوسمان له‌ لێدوانێكی تایبه‌تدا به‌ PUKmedia ی ڕاگه‌یاند: ئه‌م ڕۆمانه‌ جیاوازتره‌ له‌ كاره‌كانی پێشووترم به‌ ته‌كنیك و فۆڕمێكی تایبه‌تی سینه‌مایی نوسراوه‌ .

وتیشی: له‌م ڕۆمانه‌دا ڕه‌هه‌نده‌ سایكۆلۆژییه‌كانی كاراكته‌ر و ڕووداو و خه‌یاڵ، ته‌واو زاڵ ده‌بێت به‌سه‌ر پانتایی هه‌موو ده‌قه‌كه‌دا، كه‌ گوزارشت له‌ڕق و كینه‌و تاوان ده‌كات له‌ نه‌ستی مرۆڤایه‌تیدا، به‌هۆی زاڵبوونی گوتاری توندو تیـژی، نه‌ریت و بیره‌ جیاوازه‌كان، كه‌ نه‌ستی هه‌موو مرۆڤایه‌تی داگیر كردووه‌، زۆر جار به‌ هۆكارێك یان ته‌نها وشه‌یه‌ك مرۆڤی ئاسایی به‌تاوانێك ده‌ناسێنێت، كه‌ به‌ویستی خۆی نییه‌ و پێی نامۆیه‌.

ئه‌م ڕۆمانه‌ به‌ تیراژی 500 دانه‌ له‌ لایه‌ن چاپخانه‌ی چوارچرا چاپ كراوه‌.

PUKmedia