دوو كچی مێردمنداڵ له‌ پارێزگای ورمێ خۆیان كوشت

.

به‌پێی ڕاپۆرتی ڕێكخراوی مافی مرۆڤی هه‌نگاو دوو كچی مێردمنداڵ به‌هۆی كێشه‌ی خێزانی له‌ پارێزگای ورمێ له‌ ڕۆژهه‌ڵاتی كوردستان ئاگر له‌ جه‌سته‌ی خۆیان به‌رداوه‌ و كۆتاییان به‌ژیانی خۆیان هێناوه‌.

ڕێكخراوه‌كه‌ باس له‌وه‌ ده‌كات كه‌ كچێكی 15 ساڵ ته‌مه‌ن به‌ناوی " ر. ع" له‌ گوندی كانی ڕه‌ش له‌ شاری ورمێ به‌هۆی كێشه‌ی خێزانییه‌وه‌ ئاگری له‌ خۆی به‌رداوه‌ و گیانی له‌ده‌ستداوه‌. ئه‌و كچه‌ له‌ ته‌مه‌نی 14 ساڵی شووی كردووه‌.

هاوكات ڕێكخراوه‌كه‌ باس له‌وه‌شده‌كات كه‌ كچێكی مێردمنداڵ به‌ ناوی " ز. ئه‌لف" ته‌مه‌ن 16 ساڵ و دانیشتووی گوندی باوانی ورمێ به‌هۆی كێشه‌ی خێزانییه‌وه‌ خۆی سووتاندووه‌ و گیانی له‌ده‌ستداوه‌.

PUKmedia ڕێكخراوی مافی مرۆڤی هه‌نگاو