ئاساییە، بەڵام

.

ئاساییە، بەڵام

* ئاساییە باڵندە رابگریت، بەڵام نەک داڵە کەرخۆرە.

* ئاساییە جۆگەلە خۆی لە رووبار عاجز بکات، بەڵام نابێ لە قینا بڕژێتە زێرابەوە.

* ئاساییە پەڕلەمانتار خۆی بپیشانێ، بەڵام نەک تەنیا ھەر لە سلێمانی.

* ئاساییە بتەوێ لە تونێل خۆت رزگار بکەیت، بەڵام پێویستە ئەو سەریت لێ دیار بێ.

* ئاساییە سوژن بکەین بە حکومەتا، بەڵام با دەرزییەکیشی لەگەڵدا بێ بە خۆماندا.

* ئاساییە بەغدا فرمێسکت بۆ بڕێژێ، بەڵام خوابکات فرمێسکی تیمساحەکانی نەبێ.

* ئاساییە لە دەسەڵاتیش بخۆیت و لە موعارەزەش، بەڵام ئەو وەختە پێت ئەڵێن کەری ناو جۆگە.

* ئاساییە وڵات جەردەی تیا بێ، بەڵام زۆر ناخۆشە حوکمت بکات.

* ئاساییە بە کۆمبارسی بچیتە بواری شانۆوە، بەڵام نابێ ھەر بە کۆمبارسیش بمری.

* ئاساییە سپڵ ناوی تری ھەبێ، بەڵام نەک فاتە رەش.

* ئاساییە حیزب ببێ بە سینەما، بەڵام عەیبە ھەمووی ھەر «چلی» بێ.

* ئاساییە کەس گوو بە کڵاوت نەپێوێ، بەڵام ئیتر مەھێڵە پێت بڵێن راوێژکار.