هه‌ولێر.. چله‌ی جه‌لال مه‌له‌كشا به‌ڕێوه‌چوو

.

ئێواره‌ی ڕۆژی 9/12/2020 له‌كتێبخانه‌ی ئاشتی له‌هه‌ولێر به‌ ئاماده‌بوونی ژماره‌یه‌ك له‌رۆشنبیران به‌سه‌رپه‌رشتی ناوه‌ندی چوارباخ ،كۆری چله‌ی شاعیر جه‌لال مه‌له‌كشا به‌ڕێوه‌چوو له‌وكۆره‌دا له‌لایه‌ن شه‌ریف فه‌لاحی نووسه‌ر، به‌ كورتی مێژوو و ژیان و هونه‌ری شیعری باسكرد كه‌ مرۆڤێكی چه‌ند خاكی و دڵسۆز بووه‌ بۆ گه‌له‌كه‌ی و بواری شیعری دوای په‌خشانه‌شیعرێك له‌لایه‌ن مامۆستا عه‌لیه‌وه‌ بۆ كۆچی ناوبراو خوێنده‌وه‌.

جه‌لال مه‌له‌كشا له‌سالی 1951 له‌ گوندی مه‌ڵه‌كشان  سه‌ر به‌ شاری سنه‌ له‌دایكبووه‌ تا قۆناغی ناوه‌ندی خوێندویه‌تی و دوایی ده‌ستده‌كات به‌ شیعرنووسین به‌زمانی فارسی و دواتر كوردی ،هه‌روه‌ها چیرۆك و كاری وه‌رگێرانی كردووه‌ له‌ گۆڤار و رۆژنامه‌كانی ئێران بڵابۆته‌وه‌،چه‌ند ساڵێكیش له‌باشووری كوردستان هه‌ولێر ژیاوه‌، به‌ داخه‌وه‌ له‌31/10/2020له‌ ته‌مه‌نی شه‌ست ونۆساڵیدا به‌هۆی نه‌خۆشیه‌وه‌ كۆچی  دوایی كرد.

هه‌ر له‌و كۆره‌دا كتێبی پیره‌دار كه‌ بیست نووسه‌ر و شاعیربۆ ئه‌و شاعیره‌ بابه‌تی جۆراوجۆریان نوسیوه‌ له‌لایه‌ن ناوه‌نده‌وه‌ پێشكه‌ش به‌ئاماده‌بوان كرا.

PUKmedia سه‌باح