سەنتەری گەشە بۆ پاراستن و پەرەپێدانی تواناکانی ژنان ، کۆتایی بەچەند خولێکی جۆراوجوری ژنان هێناو بازاڕێکی بۆ بەرهەمەکانیان کردەوە.

هاژە ئەحمەد بەرپرسی سەنتەری گەشە بۆ پاراستن و پەرەپێدانی تواناکانی ژنان بە PUKmedia ی ڕاگەیاند : لە درێژەی کارو چالاکی سەنتەرەکەماندا ئەمڕۆ هەستاین بە ئەنجامدانی بازاڕییەک بۆ ئەو ژنانەی بەشدار بوون لەخولەکانماندا.

وتیشی : لەماوەی ڕابردوودا سەنتەرەکەمان خولی ( ئارایشتگا ، دروومان ، دروستکردنی شیرینی ) بۆ چەند ژنێک کردەوەو لەپێناو هاندان و پاڵپشتی کردنی ژنان بۆ ئەوەی بتوانن ببنە خاوەن کاری خۆیان لەداهاتوودا .

ئاماژەی بەوەشکرد : ئێمە بەردەوام دەبین لەچالاکیەکانمان بەئاراستەی خزمەتکردنی زیاتری ژنانی سنوری پارێزگای هەڵەبجە ، وە هاوکاری ئەم ژنە  سەرکەوتووانەی ئێرەش دەکەین بۆ ئەوەی پەرە بەکارەکانیان بدەن و ببنە خاوەنی پڕۆژەی سەربەخۆی خۆیان.

PUKmedia کۆسار مەحمود