دارتاشێک کەلوپەلی کەلەپوری دروستدەکات

.

وەستا کوردۆ عەبدولڵا ماوەی ٤۰ ساڵە کاری دارتاشی دەکات و تاکوو ئێستاش بەردەوامە لەکارەکەی، بەهۆی زۆری کارگەی دارتاشیەوە کاری دارتاشی لەشاری کۆیە کەم بۆتەوەو لەئێستادا هەڵساوە بەدروستکردنی  کەلوپەلی سەردەمی کۆن وەک ڕەشماڵ ـ جەنجاڕ ـ داس ـ کەنتۆر ـ گۆزەو جۆرەها کەلوپەلی کوردەواری سەردەمی کۆن .

وەک خۆی بە PUKmediaی ڕاگەیاند: من لەدوکانەکەم ئەم کەلوپەلانە دروست دەکەم لەماڵەوە نمایشیان دەکەم چونکە شوێنێکی تایبەتم نیە، هەر لەمنداڵیەوە خولیاو ئارەزووی دارتاشیم هەبووە بەهۆی کەمی کاری دارتاشیەوە هەڵساوم بەدروست کردنی ئەم کەل وپەلانە و ماڵەکەشم کردۆتە پێشەنگایەکی هەمیشەیی بۆهەرکارێک ماوەی دوو ڕۆژی پێدەچێت و کارەکانم بچوکن ،لەماڵەکەشم خەڵکانێکی زۆریش سەردانم دەکەن.

وتیشی تاک و ئێستاش دوو پێشانگام کردۆتەوە لەشاری کۆیەو بەردەوامم لەدروست کردنی کەل وپەلی کوردەواری.

PUKmedia کاوە عەبدولڵا