وتەبێژی پۆلیسی گەرمیان زانیاری زیاتر لەسەر رووداوەكەی ئێوارەی  ئەمڕۆی نێوان كەلار – خانەقین بڵاو دەكاتەوە، كەتیایدا شۆفێرێك لەگەڵ هاوسەرەكەی وبراكەی گیانیانلەدەستداوە.

مقەدەم عەلی جەمال قەدوری وتەبێژی پۆلیسی گەرمیان رایگەیاندوە:" ئێوارەی ئەمڕۆ هەینی لەسەر ڕێگای كەلار- خانەقین ڕوداوێكی هاتووچۆ لە نێوان سێ ئۆتۆمبێل لەجۆراكانی توێتا لانگرۆزەر - دوو ئۆتۆمبێلی بارهەڵگر ڕویدا،  لەئەنجامدا شۆفێری لانگرۆزەرەكەو دوو سەرنشینی گیانیان لەدەستدا بەناوەكانی( حبیب هەیاس عباس) لەدایكبووی 1964، (لەتیف ئەلماس عەباس)  لەدایکبووی 1966.

رونیشكردوەتەوە:" یەكێك لەقوربانێكان ژنە  و خێزانی شۆفێرەكەیە بەناوی والیە ئەلماس عەباس  لەدایكبووی 1960

ئاماژە بەوەشدراوە:" قوربانیەكان دانیشتووی گەڕەكی شەهیدانی قەزای كەلارن". 

ئاماژە بەوەشدراوە:" لەئێستادا شۆفێری هەردوو ئۆتۆمبێلی بارهەڵگرەكان بەپێی مادەی 24ی هاتووچۆ بەندكراون.

PUKmedia پۆلیسی گەرمیان