تەنێکی کانزایی نامۆ لە ئەمریکا دەدۆزرێتەوە

.

بەرپرسانی ژینگەپارێزی لە ویلایەتێکی ئەمریکا تەنێکی کانزایی نامۆ دەدۆزنەوە لەکاتی چاودێری کردنی ئاژەڵاندا کە واپێشبینی دەکرێت ئەم تەنە دروستکراوی مرۆڤ بیت.

سکای نیوزی بەریتانی رایگەیاندوە؛ کە بەرپرسانی ژینگەپارێزی ئەمریکا لەکاتی چاودێری کردنی ئاژەڵاندا لە ناوچەیەکی دورە دەست لە ویلایەتی یوتا لە ئەمریکا بە هەلیکۆپتەر تەنێکی نامۆیان دۆزیوەتەوە .

ئاماژە بەوە کراوە ئەم تەنە کانزاییە بەرزیەکەی ٣ مەتر و نیوەو لە زەوی چەقیوەو نەزانراوە کە چەنێکی چۆتە ناو زەوییەوە.

واپێشبینی دەکرێت ئەم تەنە دروستکراوی مرۆڤ بیت و بەهێزێکی زۆر خرابێتە ناو زەوییەوەو لە ئاسمانەوە نەهاتوە.

PUKmedia