قوباد تاڵه‌بانی: هیچ شه‌ره‌فێك له‌ژن كوشتندا نیه‌

.

قوباد تاڵه‌بانی جێگری سه‌رۆكی حكومه‌تی هه‌رێمی كوردستان له‌باره‌ی كوشتنی ژنێك له‌ كه‌لار هاته‌ ده‌نگ و ده‌ستخۆشی له‌هێزه‌ ئه‌منییه‌كان ده‌كات بۆ ده‌ستگیركردنی تۆمه‌تباران.

قوباد تاڵه‌بانی رایگه‌یاند: به‌داخه‌وه‌ جارێكی تر به‌تاوانێكی تری ژن كوشتن راچڵه‌كاین، به‌داخه‌وه‌ ژنێكی تریش به‌كوژراوی دۆزرایه‌وه‌، كه‌ی له‌وه‌ تێده‌گه‌ین كه‌ هیچ شه‌ره‌فێك له‌ ژن كوشتندا نییه‌؟!

جێگری سه‌رۆكی حكومه‌ت ئاماژه‌ی بۆ ئه‌وه‌شكرد، ده‌ستخۆشی له‌ هێزه‌كانی پۆلیسی كه‌لار ده‌كه‌م بۆ ده‌ستگیركردنی خێرای تۆمه‌تباران به‌و هیوایه‌ی به‌ سزای یاسایی خۆیان بگه‌ن و ببنه‌ په‌ند بۆ كه‌سانی تر كه‌ بیر له‌كوشتنی ژنێكی تر ده‌كه‌نه‌وه‌.

PUKmedia تایبه‌ت