خاوه‌ن كێڵگه‌كانی به‌خێوكردنی ئاژه‌ڵی مینك له‌ئیتاڵیا ئاماژه‌به‌وه‌ده‌كه‌ن دڵنیان له‌وه‌ی ناچارنابن ئاژه‌ڵه‌كانیان له‌ناوببه‌ن هاوشێوه‌ی ئه‌وه‌ی له‌وڵاتی دانیمارك روویدا كه‌به‌هۆی دۆزینه‌وه‌ی كۆپیه‌كی ڤایرۆسی كۆرۆنا له‌هه‌ندێك كێڵگه‌ی به‌خێوكردنی ئه‌و ئاژه‌ڵه‌ بڕیاردرا به‌له‌ناوبردنیان.

له‌كێڵگه‌كانی به‌خێوكردنی ئاژه‌ڵی مینك له‌ لۆمباردی له‌ئیتاڵیا كاروباره‌كان به‌شێوه‌یه‌كی ئاسایی به‌رێوه‌ده‌چێت كه‌ به‌هه‌زاران ئاژه‌ڵی مینك به‌خێو ده‌كرێن بۆئه‌وه‌ی دواتر سوود له‌فه‌رووه‌كه‌ی ببینرێت و به‌كاربهێنرێت بۆ دروستكردنی جلوبه‌رگی گرانبه‌ها.

بڕیاری ده‌سه‌ڵاتدارانی دانیمارك بۆ له‌ناوبردنی 15 ملیۆن ئاژه‌ڵی مینك له‌كێڵگه‌كان به‌هۆی دۆزینه‌وه‌ی كۆپیه‌كی مه‌ترسیداری ڤایرۆسی كۆرۆنا له‌و جۆره‌ ئاژه‌ڵه‌ و گواستنه‌وه‌ی بۆ مرۆڤ وایكرد خاوه‌نی كێڵه‌گه‌كانی به‌خێوكردنی ئاژه‌ڵی مینك له‌ئیتاڵیا هه‌ندێك گۆڕانكاریی بكه‌ن له‌ئیداره‌دانی كێڵه‌گانیان له‌وانه‌ له‌به‌ركردنی كه‌لوپه‌لی خۆپارێزی.

PUKmedia ئاژانسه‌كان