یونامی: ئاواره‌كان‌ ئاره‌زومه‌ندانه‌ بگه‌ڕێنه‌وه‌ زێدی خۆیان

.

ڕێكخراوی نه‌ته‌وه‌ یه‌كگرتووه‌كان داوا ده‌كات ئاواره‌كانی عیراق، به‌ شێوه‌یه‌كی ئاره‌زوومه‌ندانه‌ بگه‌ڕێنه‌وه‌ بۆ زێدی خۆیان.

جنین هینیس بلاسخارت نێرده‌ی ڕێكخراوی نه‌ته‌وه‌ یه‌كگرتووه‌كان بۆ عیراق، له‌ ڕاگه‌یه‌نراوێكدا بڵاویكرده‌وه‌: حكومه‌تی عیراق له‌ ماوه‌ی ڕابردوودا ڕایگه‌یاندبوو: به‌ نیازن سه‌رجه‌م كامپی ئاواره‌كان دابخه‌ن و ته‌نانه‌ت ژماره‌یه‌ك له‌و كامپانه‌ش له‌ ئێستادا، داخراون.

به‌ پێی ڕاگه‌یه‌نراوه‌كه‌، نێرده‌ی ڕێكخراوی نه‌ته‌وه‌ یه‌كگرتووه‌كان به‌ پێویستی ده‌زانێت گه‌ڕانه‌وه‌ی ئاواره‌كان بۆ زێدی خۆیان ئاره‌زوومه‌ندانه‌ بێت و سه‌رجه‌م هاوكارییه‌كانی تایبه‌ت به‌ گه‌ڕانه‌وه‌یان، بۆ دابین بكرێت.

حكومه‌تی عیراق، له‌ ١٥ی ئه‌م مانگه‌دا ڕایگه‌یاندبوو: به‌ پێی پلانێك به‌ نیازن سه‌رجه‌م كامپی ئاواره‌كان له‌ عیراق، دابخه‌ن.

PUKmedia یونامی