كه‌سێك دووباره‌ تووشی كۆرۆنا ده‌بێته‌وه‌ ؟

.

د. سه‌روه‌ر عارف پسپۆڕی نه‌شته‌رگه‌ری قورگ و گوێ و لووت رایده‌گه‌یه‌نێت، تووشبوونه‌وه‌ی دووه‌مجار به‌ كۆرۆنا ئه‌گه‌رێكی زۆر كه‌مه‌ و ژماره‌كه‌ی له‌ جیھاندا له‌په‌نجه‌كانی ده‌ست زیاتر نیه‌ :

وتیشی: ھه‌رچه‌نده‌ باس له‌ تووشبوونی دووه‌مجار ده‌كرێت، به‌ڵام ڕاستیه‌كان كه‌ تا ئێستا بڵاوكراوه‌ته‌وه‌ به‌م شێوه‌یه‌یه‌:

1. ژماره‌ی تووش بوونی دووه‌م جار له‌ جیھاندا تا ئێستا ته‌نھا پێنج كه‌س تووشبوون بۆ دووه‌مجار( كه‌ ئه‌م ژماره‌یه‌ كوردستان ناگرێته‌وه‌....)

2. پێشبینی ده‌كرێت كه‌ به‌رگری له‌ش بۆ نه‌خۆشی كۆرۆنا به‌لایه‌نی كه‌م حه‌وت مانگ بێت وه‌ ئه‌گه‌ر ھاوشێوه‌ی جۆره‌كانی تری فایرۆسی سارس بێت یٔه‌وه‌ دوو بۆ سێ ساڵ بخایه‌نێت.

3. ئه‌وه‌ی له‌ كوردستان باس ئه‌كرێت زیاتر حاڵه‌تێكه‌ كه‌ ته‌نانه‌ت تا دوای ده‌ ھه‌فته‌ ئه‌گه‌ری گه‌ڕانه‌وه‌ی ھه‌ندێ نیشانه‌كان ھه‌یه‌ به‌ھۆكاری نادیار كه‌ له‌وانه‌یه‌ ھیلاكی زۆر ، تێكه‌ڵ بوونی زیاتر یان كه‌می به‌رگری كه‌ له‌ ڕاستیدا یٔه‌م حاڵه‌ته‌ ھۆكاره‌كه‌ی ڕوون نیه‌ وه‌ پێ ی ئه‌وترێ تووش بوونی دره‌نگ كه‌ ھه‌ر تووش بوونی یه‌كه‌مه‌ post acute infection .

4. دوای چاك بوونه‌وه‌ش له‌وانه‌یه‌ فایرۆسه‌كه‌ له‌ پێكھاته‌كانی له‌ش له‌وانه‌ خانه‌ ی ده‌ماره‌كان بۆ ماوه‌یه‌كی زۆر بمێنێته‌وه‌ ( تا شه‌ش مانگیش ) كه‌ به‌رگری له‌ش ناتوانێ له‌ ناویان ببات چونكه‌ یٔه‌و خانه‌ ده‌مارانه‌ زۆر ئه‌مێننه‌وه‌.

PUKmedia راگه‌یاندنی ته‌ندروستی سلێمانی