پەروێزخان، دەستبەسەر بارێكی قاچاغدا گیرا

.

لەسنوری مەرزی نێودەوڵەتی پەرویزخان دەست بەسەر پارێكی مریشكی بەستوودا دەگیرێت.

ڕاگەیاندنی كۆمەڵگای دەروازەی نێودەوڵەتی پەروێزخان بڵاویكردوەتەوە:"لەمەرزی نێودەوڵەتی پەروێزخان دەستبەسەر بارێك مریشكی بەستوودا گیرا، كە بڕەكەی زیاتر لە (٢٧) تەن بوە.

رونیشكراوەتەوە:"لەئەنجامی هەوڵ و بەدواداچوونی فەرمانبەرانی ئێشكگری بەڕێوەبەرایەتی كۆمەڵگای دەروازەی نێودەوڵەتی پەروێزخان و دوای دەستخستنی زانیاری، بەهاوكاری بنكەی پۆلیسی گومرگی پەروێزخان توانرا دەستبەسەر باری ئۆتۆمبێلێكی جۆری بەڕاد دا بگیرێت، كە بارەكەی (٢٧) تەن و (٦٤٠) كیلۆ مریشكی بەستوو بووە.

ئاماژە بەوەشدراوە:" ئەو بارە مریشكە بەچەند كارتۆنیك ئایسكریم داپۆشرابوو تا بتوانن لەو ڕێگەیەوە تێیپەڕێنن و دواتر ساغی بكەنەوە.

ئەوەش خراوەتەڕوو:" لەئێستادا بارەكە ڕاگیراوە و كەیسەكە ڕەوانەی بەشی یاسایی بەڕێوەبەرایەتی گومرگی گەرمیان دەكرێت بۆ كاری پێویست و ئیجرائاتی یاسایی لەگەڵ خاوەن بارەكە.

جەختیشكراوەتەوە:"بەپێی ڕێنماییەكان هاوردەكردنی مریشكی بەستوو بۆ ناو هەرێمی كوردستان قەدەغەیە.

PUKmedia ڕاگەیاندنی كۆمەڵگای دەروازەی نێودەوڵەتی پەروێزخان