هەولێر.. كەسێك برایەكی و زڕ دایكی دەكوژێت

.

پۆلیسی هەولێر رایگەیاند: لەكۆمەڵگای قوشتەپەی سەر بەپارێزگای هەولێر كەسێك برایەكی خۆی و زڕ دایكی كوشتوەو دوای دەستگیركردنی دانی بەتاوانەكەیدا ناوە.

بەرێوەبەرایەتی پۆلیسی هەولێر لە راگەیەندراوێكیدا دەڵێت: هێزەكانی پۆلیسی پارێزگای هەولێر پاش ئاگاداركردنەوەیان لەڕودانی شەڕێك لە نێوان بنەماڵەیەكدا لە كۆمەڵگای قوشتەپەو كوژرانی دوو كەس لە شەڕەكەدا، دەستبەجێ دەستیان بە لێكۆڵینەوەی ورد كردو دوای 6 سەعات توانیویانە لە سەعات 4ی بەیانی تۆمەتبارێك بەناوی (ع.ج.ی) دەستگیر بكەن.

رونیشیكردوەتەوە: بكوژەكە لەسەر كێشەیەكی كۆمەڵایەتی هەڵسابوو بەكوشتنی برا و زڕ دایكی خۆی و دانی نا بەتاوانەكەیداو بەپێی ماددە 406 لەیاسای سزادان بەندكراوەو دراوەتە دادگا.

PUKmedia