کۆسرەت رەسوڵ سەردانی ماڵی شێخی تەریقەتی قادری دەکات

.

دوانیوەڕۆی ئەمڕۆ دووشەممە ٦/٧/٢٠٢٠ لە شاری سلێمانی، كۆسرەت ڕەسول عەلی سەرۆكی ئەنجومەنی باڵای سیاسی و بەرژەوەندی یەكێتی نیشتمانی كوردستان، بەمەبەستیدەربڕینی هاوخەمی بۆ كۆچی دوایی شێخ محەمەدی شێخ عەبدولكەریم كەسنەزانی سەردانی ماڵی كۆچكردوو و خزمانی تەریقەتی قادریكرد.

لەمیانی سەردانەكەیدا سەرۆكی ئەنجومەنی باڵای سیاسی و بەرژەوەندی یەكێتی نیشتمانی كوردستان پرسەو سەرەخۆشی و هاوخەمیئاراستەی خانەوادەی كۆچكردوو و شێخانی تەریقەتی قادری كردو هیوای خواست ئەمە دوایین كۆست و ناخۆشی خانەوادەی كۆچكردووبێت.

كۆسرەت ڕەسول وتیشی شێخ محەمەد لە ژیانی خۆیدا لەڕێگای تەریقەتی قادریەوە وەك كەسایەتییەكی گەورەی ئایینی و كۆمەڵایەتیخزمەتێكی بەرچاوی بەئایینی پیرۆزی ئیسلام كردووەو لە چەندین وڵاتی دنیادا تەریقەتەكەیان بڵاوكردۆتەوە.

لای خۆیانەوە شێخانی تەریقەتی قادری و خزمانی كەسنەزانی سوپاسی كۆسرەت ڕەسول عەلیان كرد كە بەشداربووە لە دەربڕینیهاوخەمی بۆیان.

PUKmedia فۆتۆ/ هاوژین شەریف