پرسه‌نامه‌ی جوان ئیحسان بۆ كۆچی دوایی شێخ محه‌مه‌د كه‌سنه‌زانی

.

سه‌رۆكی فراكسیۆنی یه‌كێتیی نیشتمانیی كوردستان له‌ په‌رله‌مانی عیراق پرسه‌نامه‌یه‌ك ئاڕاسته‌ی خانه‌واده‌و كه‌سوكاری شێخ محه‌مه‌د شێخ عه‌بدولكه‌ریم كه‌سنه‌زانی ده‌كات.

ده‌قی پرسه‌نامه‌كه‌...
به‌ڕێزان / خانه‌واده‌و كه‌سوكاری شێخ محه‌مه‌د شێخ عه‌بدولكه‌ریم كه‌سنه‌زانی ،  برای به‌ڕێزم شێخ نه‌هرۆ شێخ محه‌مه‌د شێخ عه‌بدولكه‌ریم كه‌سنه‌زانی .
به‌داخ وپه‌ژاره‌یه‌كی قوڵه‌وه‌ ، هه‌واڵی كۆچی دوایی شێخ محمد شێخ عبدالكریم كه‌سنه‌زانی ، كه‌سایه‌تی دیاری كوردو ته‌ریقه‌تی قادری و دۆستی دێرینی خوالێخۆش بوو سه‌رۆك (مام جه‌لال ) مان پێگه‌شت ،له‌م ماته‌مه‌ گه‌وره‌یه‌شدا پرسه‌و سه‌ره‌خۆشی له‌سه‌رجه‌م موسڵمانان و تێكڕای موریدو شوێنكه‌وتوانی ته‌ریقه‌تی قادری - كه‌سنه‌زانی له‌كوردستان و عێراق و جیهان ده‌كه‌م وبه‌شداری خه‌متانم . شێخ محه‌مه‌د كه‌سایه‌تییه‌كی ئایینی وكۆمه‌ڵایه‌تی گه‌وره‌و كاریگه‌ر بوو له‌سه‌ر ئاستی جیهانی ئیسلامی ، هه‌وڵه‌كانی خوالێخۆشبوو له‌ته‌بایی نێوان ئاینه‌كان و ڕێبازه‌ ئیسلامیه‌كانی بواری سۆفیگه‌ری ڕه‌نگدانه‌وه‌ی هه‌بووه‌ له‌ئاشتی و پێكه‌وه‌ ژیاندا ، له‌ده‌ستدانی ئه‌م كه‌سایه‌تییه‌ ئایینه‌ی گه‌له‌كه‌مان خه‌ساره‌تێكی گه‌وره‌یه‌ و له‌یه‌زدانی مه‌زن داواكارم خوالێخۆشبوو به‌به‌هه‌شتی به‌رین شادبكات و سه‌بوری خانه‌واده‌و كه‌س وكارو په‌یڕه‌وان و شوێنكه‌وتووانی بدات و ئه‌مه‌ دواكۆستی بنه‌ماڵه‌ به‌ڕێزه‌كه‌یان بێت .

دكتۆر جوان ئیحسان فه‌وزی
سه‌رۆكی فراكسیۆنی یه‌كێتیی نیشتمانیی كوردستان
له‌ئه‌نجومه‌نی نوێنه‌رانی عێراق

PUKmedia تایبه‌ت