بو بە دەساڵ رۆژنامەگەرییمان لەقەڵەمێكی رەخنەی دروستکەری, کەمە

.

ئەمساڵيش لە بیست و نۆی حوزەیرانی گەرم و وشکدا , فرمێسکی گەرمی چاوانمان تێكەڵ بە هەنسک و قوڵپی گریانمان ئەبێت و , خەمی شارەکەی رۆژنامەنوسێکی قەڵەم بڕشتی پێگەیشتوی قوتابخانە ئاوەدانەکەی راگەیاندنی ی ن ك  ی پێ رائەژەنین .

ئازاد سدیق ئەو رۆژنامە نوسە بو کە لە ناو قەیران و ژانە سیاسیی و ئابوریی و فەرهەنگییەکانی گەلەکەیدا قەڵەمەکەی  لەدایك بو و کەوتە کار ,لەو کەشو هەوایەشدا پێگەیشت کە راگەیاندنی بوێری  ی ن ك رەخساندبوی بۆرەخنە و خستنەروی کەموکورتییەکان و ,بەئاگا هێنانەوەی کاربەدەستان لە کاتی فاوڵ و لادانەکانیان .

ئازاد هەرزو لە تەلەفزیۆنی گەلی کوردستان و کوردستانی نوێ خۆی ناساند و خەمی گەلەکەی لە ئەستۆ گرت و ,لە دەنگی گەلی کوردستان برەوی بە خۆی دا و ,دواتر لە شاشە سەنگینەکەی  کوردساتی دەنگ و رەنگی هەموان زیاتر لەسەر مەسەلە گەرمەکان و خاڵە لاوازەکانی کاری حزبیی و حکومیی میوانەکانی ئەهێنایە قسە ,لە ئاسۆ و خەندانیش هەمان ئەو قەڵەمە تیژەی لەکاردا بو کە لە راگەیاندنی ی ن ك ەوە بە دەست و خامەکەی ئاشنا کردبو  .

ئەو بەیانییەی بیست و نۆی حوزیرانی ساڵی دوهەزار ودە , رۆژێكی پڕئازار و بەسوێ بو نەك هەر بۆ هاوسەر و جگەر گۆشەو خانەوادەکەی بەڵكو بۆ هەموان هەواڵێكی دڵتەزێن بو ,ئاخر ئازادسدیق زۆر بەسەلیقە و شارەزایانە بەزمانی رەخنە ئەینوسیی و ئەدوا,وەك چۆن کوردستانی نوێیەکەی و هەردو دەنگو رەنگی گەلی کوردستانەکەی و کوردساتەکەی هەرگیز لە رەخنەدا ,لە پیلکیان دەر نەچوە و داوای لێبوردنیان نەکردوە , ئازادە بیر ئازادەکەی لەمەڕ خۆشمان هەرگیز رەخنەیەکی نەگرتوە کە دوایی پەشیمان بێتەوە یان رەخنەکەی بۆ مەرامێك بێت وەك ئێستا باوە و بوەتە نەریت .

ئازاد سدیق  ,هەر زو و لەسەرەتاوە  جنێودان و لەکەدار کردن و سوکایەتیی لەگەڵ رەخنەدا بە دوشتی جیالەیەکی نێوان ئاسمان ورێسمان ئەزانی , بۆیە نوسینەکانی هەمیشە جێی بایەخ و ورد بونەوە بون  کە جەوان مەرگ بونی ئازاد کەوتە بەرگوێ , سەرۆك مامجەلال زۆر نیگەران بو , فەرموی بەراستیی قەڵەمێكی باشی هەبو , پرسیاریشیکرد کە ئایا ئازاد نەخۆش بوە و جەنابیان ئاگادارنەکراوە تا ئەرکی چارەسەر کردنی بگرتایەتە ئەستۆ !.

لەم دەیەمین ساڵڕۆژەی ماڵئاواییەکەیدا کە زۆر زو هەواری پێچایەوە بەرەو, گردی شێخ مارف و بوە دراوسێی لەیلا و گۆران , گیان و رۆحی ئازاد سدیق بەوە شاد ئەکەین کە خولیا و خەمەکانی هەڤاڵەکانی تری لە ئەستۆیان گرتوە ,راگەیاندنی ی ن ك وەك چۆن نەریتی رەخنەی ئامانج پێكانی لەگۆشەی بۆمباو هەربەڕێوە و فاوڵ لە سەرەتای رۆژنامەی کوردستانی نوێ و کەشكۆڵ لەتەلەفزیۆنی گەلی کوردستان و بەرنامەی بەرنامە ی خاك و سیخورمە , دواتر کوردسات پیڕەو کردوە ,هەر درێژەی هەیە و بەردەوامە, بەڵام هەر لە قەڵەمەکی ئەم رۆژنامەنوسەی کەمە لەپاڵ تەرجەمە و نوسینە سیاسییەکانی تریدا.

سڵاو لەگیانت ئازاد گیان

PUKmedia بەرزان شێخ عوسمان