ئەی رەفیق و ئەی رەقیب، كۆرۆناش بڕوا
بیروڕا 12:03 PM - 2020-06-05.
ئەمەوێ تۆ بمێنی ، نەك هەر لەبەر ئەوەی ئازیزمی منی و خۆشم ئەوێی ، نەك ھەر لەبەر ئەوەی ئازیزی منن و دڵم بەندی ئێوەو رۆحم كەمەندكێشی رۆح و دڵی ئێوەیە.
پێش ھەر شتێك لەبەر ئەوەی حەز بە چۆڵی و ھۆڵی ناكەم ، حەز بەو شتانەی وا لە شیعر و رۆمانا ناوی سەحرای ژین و چۆڵەوانی و دابڕان و داڕمانن ، ناكەم. زۆر بە پەلەیی بەسەر ئەو لاپەڕانەدا دەرۆم و خەریكە بێژم دەیانقرتێنم. بە پلەیەر و پەلەكردن ئەو گرتانەی فیلم قەدبڕ دەكەم كە باسی مەرگ و تاعون و قات و قڕی پاش ئاوەدانی دەكەن و زوو دەچمە سەر ماباقی چیرۆك و فیلمەكان گەر پریشبن لە دژ و ناكۆك و غایەن و ناپاكی، ھێشتاش ئەھوەنترن چونكە جولە دەخەنە ژیانەوە.
وەلی دێوانەش نیم، بەس چەند حەزینم كە لە تەرجەمەی پیرەمێردەوە گوێم لە كابان دەبوو:
چونكە ئەو شەمە تاتاری چینە
لەدەشت بێزارە و چیا نشینە
دێوانە و قەیس و مەم نیم ، كەچی حەزدەكەم یار و نەیاری ھەمووتان سەلامەت بێت بمێنن. ئازاری دابڕان لە لەیلا و شەم و زین بەسە كۆرۆنای بۆ چییە؟
دەمەوێ لەبەر خۆم بمێنن كە بە بوونی ئێوەوە مانا پەیدا دەكەم.
ئەی ئەویتر و ئەوانی تری نەناس و نەیار،
ئەمەوێ ئەگەر خۆم ماوم و بمێنم، ئێوەش بمێنن كە بە مانەوەی ئێوە بەشێكی گرنگی چیرۆكی ژیانم واتا پەیدا دەكەن و مانای مانەوە لە خۆیان دەپێچن. بێ ئێوە ناكۆكی و ململانێی تا سەر ئێسقان لەگەڵ كێ بكەم؟ گەرەكمە نەیارم بن و نەیارتان بم تا هەست بە لێوەشاوەیی و لیاقەت و تاقەتی خۆم بكەم.نوقرچێكم لێ بگرن داخۆ ماوم و نوقرچێكتان لێ دەگرم تا دڵیابم كە نەبەردی ژیان نەیبزاندون.
تكایه، ئەی رەقیب ،بمێنەوە ، بێ مانەوەت هیلالی بوونم كامل نابێ و كۆی دیمەنی زیندەگیم تەڵخی و تاری تێدەكەوێت.
بۆ ئەوە گەرەكمە بمێنیتەوە كە ئەگەر ژیان ململانێ و پێشبڕكێ بێت پێویستم بە كەسێكە لە مەیداندا بێت و كەسانێكم دەوێ رەقیبم بن ، پێش ئەوەی رەفیقم دەربكەون.
ئەی دۆست ، ئەی رەفیق مانەوەی تۆ بەس نییە و مانەوەی منیش شەفاعەتی درامایەكی شایان ناكات . ئەوە تەنھا و تەنھا رەنگێكی ژیانە، مانەوەتان بەس نییە ئەی دۆستان، ئەوە چیرۆكێكە لە كۆ چیرۆكەكانی ژیان، بۆ ئەوەی تاقەتم هەبێ رۆمانی ژیان و داستانی ململانێكارانم پێویستە ، تا بیخوێنمەوە. رەقیبیش لەم داستانەدا رەفیقە، ئەویش چی بكا دەورێكە و پێی سپێراوە؟
بمێننەوە تا دوای ئەم پەتایە بەشی چیرۆكی ژیان و شتە بەنرخەكانی بەردەوام بێت.
ئەی نەیارانی مەیدانی ھەڵپەی ژیان! بمێننەوە چونكە زۆر گێم ماون بیكەین و بیدۆرێنین و بیان بەینەوە. زۆر شت ماون لەسەری بیكەنە ھەڵلا و زۆر كێچ ماون لێتانی بكەم بە گامێش.
زۆرانبازی زۆرمان ماوە بیكەین و شەڕە قۆچی زۆری ترمان گەرەكە تا گۆڕەپانی ژیان بۆ خۆمان قۆڕخ بكەین و بەشی كەسی تری لێنەدەین
ئەمەوێ بمێنینت و پەلەی نەخۆشی مەرگت نەبێ كە هێشتا ژیان لە سەرەتایە و دەردو بەڵای زۆرتری بۆ شاردوینەتەوە.
ئەمەوێ بمێنم، ئەمەوێ بمێنن ..ئەی رەقیب و ئەی رەفیق.
«ماقول چییە» وەك نەدیو بدی لەیەكەم خەرجی و خوردەوە دەڵێی درەنگە لەماڵەوە بانگم دەكەن؟
دەڵێن لەم مێزی قومارەدا، كە نایزانم و حەریفی نیم ،زۆر گێمی قورستر ماوە كە بیدۆرێنین و بیبەینەوە، كەی رەوای ھەقە لەسەر كورتە فیلمێك بەقەدەر شانامە- یەك موحاسەبە بكرێین
وەكو ماوی ، با بمێنم ، وەكو ماوم تكا دەكەم : تۆش بمێنە.
ن/ ستران عەبدوڵلا
PUKmedia تایبەت
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
ئەمانەش ببینە
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
زۆرترین خوێنراو
-
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26