لە نوێبوونەوەی یەكێتییدا چی بكرێ؟
ی.ن.ک 11:44 AM - 2020-06-03.
یاد ویادكردنە وەكوچەمكێكی گشتگیر بریتییە لە رووداوێكی دیاریكراو لەكات و زەمەنێكی دیاریكراودا, یەكێتیی نیشتمانیی كوردستانیش لە 1 ی 6 هەموو ساڵێكدا خۆی ئامادەدەكات بۆ شكۆداركردنی ئەوسات و زەمەنەی كەتیایدا زەنگی بەرخودان و خۆبەقوربانیكردنی لێّدا بۆ گێرانەوەی هیوای گەلی كوردستان لەدوای نسكۆو هەرەسی شۆرشێك, بۆیە یادی یەكێتیی لەداهاتووی نزیكیدا بریتی نییە لە ئاهەنگێران و وتنەوەی دروشم, بەڵكو بریتیە لە بەجێهێنانی هیواو ئاواتی هەزاران كەس لە رێی یەكێتیی نیشتمانیی كوردستانەوە خوێنی خۆیان بەخشی, بریتیە لە جێبەجێكردنی پەیام و نەخشەرێگای سەرۆك مام جەلال وەك رابەرو باوكی روحیی نەتەوەیەك بۆ كۆمەڵانی خەڵكی ئەم هەرێمەی نەخشاند, دەبێت و پێویستە یەكێتیی نیشتمانیی كوردستان لەمیادەیدا هەمم و غەمی راستكردنەوەی مەساری سیاسیی حوكمرانیی هەرێمەكە بێ, ئەو مەسارەی كەهەردوو رەوانشادمامجەلال ونەوشیروان مستەفا لە چوارچێوەی رێكەوتننامەیەكدا دیاریانكرد كەلەهزری خەمخۆران و شوێنكەوتوانی رێبازی ئەو دوو سەركردەیەدا بەرێكەوتننامەی دەباشان ناسراوە, ئەگەر شیكارێكی نیشتمانیی بۆ فەحواو و ناوەرۆكی رێكەوتننامەكە بكرێ, ئەوا خواستی ئەو دوو سەركردەیەزۆر بەئاسانی دەردەكەوێت كە مەبەستیان دارشتنی ستراتیژێكی نوێیە بۆ پێكەوەكاركردنی هەردوولایەنی یەكێتییی نیشتمانی كوردستان و بزوتنەوەی گۆران لەسەریەك بەرنامەی سیاسیی بۆگیرانەوەی گەورویی و قەبارەی زۆنی ئەمبەر و هاوسەنگیی كردنی لەگەڵ زۆنی ئەوبەردا, چونكە حوكمرانیی زیاتر لەدوو دەیەی ئەم وڵاتە دەرخەری ئەوەبوون كە پێكەوەحكومرانییكردنی هەردوو گەورەهێزی یەكێتیی نیشمانیی كوردستان و پارتی دیموكراتی كوردستان لەیەك كابینەدا نەگونجاون , كەواتە ئەم وڵاتەی ئێمەوا دەخوازێت دوو گەورە حزب ململانێی نیشتمانیی و شەریفانەی یەكتر بكەن بۆ بەدەستهێنانی متمانەی هاونیشتمانیان و لە هەڵبژاردنەكاندا كاملا لەودوو گەورەحزبە متمانەی گەلی بەدەستهێنا تەنیا خۆی یان ئەگەر پێویست بكا لەگەڵ حزبە بچوكەكانی دیكە هاوپەیمانی بكات و حكومەت پێكبهێنێ , ئەوسا هەر خۆشی بەرپەرس ئەبێ لە باش و خراپیی حكومرانییكردنی لەوخولەدا, لە دۆخی وەهاشدا كێرڤی دزی و گەندەڵیی و بەهەردان ئەگەر بشمێنێ دائەبەزێ و سنوردارئەبێ, ئەوەشی لە واقیعی حاڵدا بەدی دەكرێ و دیارە ئەوەیە كە لەوبەردا پارتی دیموكراتی كوردستان گەورە هێزی زۆنی خۆیەتی و ژمارەیەكی دیاروگەورەیە, یەكێتیی نیشتمانی كوردستان لەم بەرو لەم زۆنەدا هاوشان لەگەڵ بزوتنەوەی گۆراندا دەبنە هێزێكی مەدەنیی , نیشتمانیی گەورەو دیار,ئەتوانن پێكەوە ململانێی پارتی بكەن,ململانێیەك لەسەر رێرەوی دیموكراسیی سەردەم بەوەی ئەگەر پارتی لەهەڵبژاردنێكی پاك و بێگەرددا لەیەكێتیی و گۆرانی بردەوە ئەوا دەبێ دەستبەجێ ئەو دوو لایەنە پیرۆزبایی لەپارتی بكەن و گۆرەپانی حكومرانی بۆ چۆڵ بكەن و بەتەنیاحكومرانیی بكا, بە پێچەوانەشەوە ئەگەر یەكێتی و گۆران زۆرینەیان بەدەستهێنا ئەوا پێویستە پارتی پیرۆزباییان لێبكات و ببێتە ئۆپۆزسیۆن لەپەرلەماندا ,ئەگەر ئەو بیرۆكەو نەخشە رێگایەی كە هەردوو رەوانشاد مامجەلال و نەوشیروان مستەفا وەكو خۆی جێبەجێ بكرێ ,لایەك جێی لامەركەزییش دەگرێتەوە, لەلایەكی دیكە چەوتیی مەساری سیاسیی حكومرانیی نزیكەی دوو دەیەی ئەم هەریًمە راستئەبێتەوە و ئەو تێكەڵە فرەحزبییە نادروستە لەحكمرانییكردندا كۆتایی پێدێ ,ولایەنی سەركەوتوو لە حكومرانییدا لەلایەنی شكستخواردوو جیائەكرێتەوە و دەنگدەریش بەرچاو رووندەبیً كە دەنگ بەكێ بدات, دەبا وەك وەفایەك بۆ رێبازەكەی مام لە نوێبونەوەی ساڵی نوێی یەكێتیدا , خواستی مامجەلال بۆ ئۆقرەیی سیاسیی وڵات بەجێ بگەیەنرێ كە خۆی لە جێبەجێكردنی رێكەوتننامەی دەباشان دەبینێتەوە.
مەریوان علی محەمەد
PUKmedia تایبەت
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
زۆرترین خوێنراو
-
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19