هەوڵی چارەسەركردنی كێشەی هاتوچۆی جوتیاران دەدرێت

.

وەزارەتی كشتوكاڵی حكومەتی هەرێمی كوردستان لەراگەیەنراوێكدا ئاماژە بەهەوڵی چارەسەركردنی كێشەی هاتووچۆی جوتیاران دەدات بۆ سەر بەرهەمە كشتوكاڵیەكانیان.

وەزارەتی كشتوكاڵی حكومەتی هەرێمی كوردستان لەراگەیەنراوێكیدا ئاشكرایكردوە:"دوای راگەیاندنی قەدەغەی هاتوچۆ وەك رێكارێكی خۆپارێزی لە ڤایرۆسی كۆڕۆنای نوێ، كێشەی چونتان بۆسەر كێڵگە و پڕۆژەكانتان دروست بووە، بەهۆی ئەوەی لە ئێستادا وەرزی دروێنە و پێگەیشتنی بەرهەمی ناوخۆییە، ئەم قەدەغەیە كاریگەری راستەوخۆی كردۆتە سەر بەرهەم.

رونیشكراوەتەوە:" بەڕێزان وەك وەزارەتی كشتوكاڵ و سەرچاوەكانی ئاو راپۆرتێكمان پێشكەش بە ئەنجوومەنی وەزیران كردووە بۆ ئەوەی ئاسانكاری لە هاتوو چۆیی ئێوە بكرێت بۆ ئەوەی زیان بەر بەرهەماكانتان نەكەوێت.

ئاماژە بەوەشدراوە:" لەگەڵ لایەنە پەیوەندارەكان سەرقاڵی چارەسەركردنی كێشەی هاتوچۆی جوتیار و خاوەنكارانی پڕۆژە كشتوكاڵیەكانین، دواتر ئاگادارتان دەكەینەوە لە دەرئەنجامی چارەسەركردنی كێشەكە.

 PUKmedia راگەیەنراو