لەرۆژژمێری خشتەی ھەفتە یاددا ئەمرۆ رۆژی ژنانە

.

بەپێی رۆژژمێری خشتەی ھەفتە یادی یەكێتیدا، ئەمڕۆ 2-6-2020 رۆژی ژنانە،رۆژی تەوارەكانی ھاوسەنگەر وھاوخەباتی ھەڵۆكانی شۆرش و یەكێتییە.

رۆژی سەبری شۆرشگێڕی ژنی كورددە لەبەردەم ئازار و مەینەتییەكانی ژیان و جیھان و دوژمنانی گەلەكەمان.

رۆژی پێشمەرگەی ژن و ژنی پێشمەرگەیە، رۆژی گوڵی نێو سەنگەری خەباتی پێشمەرگایەتی و رێكخستن و زیندان و خۆپیشاندانەكانی ھەشتاكان و راپەرینی رزگارییە.

رۆژی تەتەری نامەبەر و عەبای شاردنەوەی چەكی رەوای بەرەنگاری و نامەی چوكلێتی رێكخستنەكان و تەگبیری وردی شاردنەوەی نھێنییەكانی شۆرشە
رۆژی سەبری ئەیوبی بەردەرگای زیندانەكانی فاشست و ناو زیندانەكانی ئەشكەنجە و ئازاردانە.

رۆژی خوشك و دایك و ھاوسەر و ھاورێی ژیانی پێشمەرگایەتی و تەواری ھاندان و ورە بەخشینە. رۆژی ژنانی شەھیدی رێی رزگاری و ئازادی كۆمەڵایەتی و نیشتمانە.

رۆژی ئەو ژنە تێكۆشەرانەیە كە بە ئێستای رزگاری و ئازادیشەوە دەسكەوتە كەمەكانیان ناگاتە بستێك لە باڵای ئازارەكانی رۆژانی سەختی خەبات و شەختەی ناو شۆرش و بزوتنەوەی یەكسانیخوازی.

 رۆژی ژنانی خەباتگێر لە دەفتەری شانازییەكانی یەكێتیدا ھەر بەوە قەرەبودەكرێتەوە فەرھەنگی مافداری و یٔازادیخوازی و ورە وزەی مام جەلال لەم كایەشدا بە جیاكاری یٔیجابی و كۆتای قۆناغبەندی بەشداری كارای كچان و خوشكان و دایكان پایەدارتر بكرێت یٔەم رۆژە بەس نابێت كە ھەموو رۆژانی شۆرش و خەبات ژنان شەریك و ھاوخەم بوون و دەبن.

كوردستانی ژنكوژ قەرەبوو نییە، كوردستانی مافخواز و یەكسانیخواز و جێندەری ئیجابی شایانی تۆماری خەباتی ژنانی كوردە.

PUKmedia تایبەت