د.جوان ئیحسان: بەهەمان گڕوتینی ڕۆژانی خەباتی شاخ بەردەوام دەبین

.

سەرۆكی فراكسیۆنی یەكێـتیی نیشتمانیی كوردستان پەیامێكی پیرۆزبایی بەبۆنەی 45 هەمین ساڵیادی دامەزراندنی یەكێتیەوە بڵاوكردەوە.

دەقی پەیامەكە: 

بەرزو پیرۆزبێت یادی ( ٤٥ ) ساڵەی حیزبی شەهیدان

كەس وكاری سەربەرزی شەهیدان پێشمەرگە قارەمانەكان ، كەم ئەندامانی سەنگەر و زیندانیانی سیاسیی ،بەم بۆنە شكۆدارەوە كەیادی دامەزراندنی یەكێتییەكەمانە پیرۆزباییەكی گەرمی خەبات و تێكۆشان و خۆڕاگریتان لێدەكەم و سڵاو دەنێرم بۆڕۆحی پاكی مامۆستای ڕابەری كوردایەتی و دامەزرێنەری یەكێتی نیشتمانی كوردستان هەڤاڵ سەرۆك (مام جەلال)، ئەمساڵ ئەم یادە پیرۆزە ئاوێزانە لەگەڵ نوێبوونەوەویەكڕیزی و یەكدەنگی یەكێتییەكەمان لەسەرهەمان دروشم و ئامۆژگاریەكانی مامی گەورەمان ودڵسۆزانی یەكێتی دڵنیا دەكەمەوە كەیەكێتییەكەتان خوێنێكی تازەی بەبەردا هاتووەو بەگوڕتر لەجاران تێدەكۆشێت ، ئێمەیش وەك خوێندكارێكی ڕێبازەكەی مام بەڵێن دەدەین بەهەمان گڕوتینی ڕۆژانی خەباتی شاخ بەردەوام بین بۆ پاراستنی یەكێتی ناویەكێتییەكەمان و پاراستنی یەك پارچەیی خاكی پیرۆزی كوردستان و بەدەست هێنانی مافە ڕەواكانی گەلەكەمان .

بەداخەوە ئەم یادە پیرۆزە هاوكاتە لەگەڵ بڵاوبوونەوەی ڤایرۆسی كۆرۆنا ، تەئكید لەسەرجەم هەڤاڵانی یەكێتی دەكەینەوە لەبەرخۆپارێزی و پابەندبوون بەڕێنماییە تەندروستییەكان هیچ بۆنەیەكی جەماوەری سازناكرێت ، لەبەرپاراستنی گیانی هاوڵاتیان و بۆچاكەی گشتی پابەند دەبین ، دووبارە بەرزوپیرۆزبێت یادی دامەزراندنی یەكێتییەكەمان وڕۆحی بەرزەفڕی سەرۆك مام جەلال و سەرجەم شەهیدانی ڕزگاریخوازی گەلەكەمان شادو ڕێبازو ڕێگەیان بەردەوام .

دكتۆر جوان احسان فوزی

سەرۆكی فراكسیۆنی یەكێتی نیشتمانی كوردستان

لەئەنجوومەنی نوێنەرانی عێراق

PUKmedia راگەیەنراو