مه‌سروور بارزانی: یه‌كێتی هاوبه‌شێكی گرنگ و سه‌ره‌كی حكومه‌ته‌

.

سه‌رۆكی حكومه‌تی هه‌رێمی كوردستان رایگه‌یاند، ئومێده‌وارم به‌یه‌كه‌وه‌ له‌گه‌ڵ یه‌كێتیی نیشتمانیی كوردستان و بزووتنه‌وه‌ی گۆڕان و ته‌واوی لایه‌نه‌ سیاسی و پێكهاته‌كانی هه‌رێمی كوردستان، هه‌ماهه‌نگ و هاوكار بین بۆ داكۆكیكردن له‌ مافه‌ ده‌ستوورییه‌كانی هه‌رێمی كوردستان.

ده‌قی په‌یامه‌كه‌ی سه‌رۆكی حكومه‌تی هه‌رێمی كوردستان بۆ یه‌كێتی
په‌یامی پیرۆزبایی سه‌رۆكی حكومه‌تی هه‌رێمی كوردستان به‌ بۆنه‌ی ساڵیادی دامه‌زراندنی یه‌كێتیی نیشتمانیی كوردستان.
 
به‌ بۆنه‌ی چل و پێنجه‌مین ساڵیادی دامه‌زراندنی یه‌كێتیی نیشتمانیی كوردستان، پیرۆزبایی له‌ سه‌ركردایه‌تی و سه‌رجه‌م ئه‌ندامان و لایه‌نگرانی یه‌كێتی ده‌كه‌م و هیوای سه‌ركه‌وتنیان بۆ ده‌خوازم .
 
یه‌كێتیی نیشتمانیی كوردستان هاوبه‌شێكی گرنگ و سه‌ره‌كییه‌ له‌ حكومه‌تی هه‌رێمی كوردستاندا و ئومێده‌وارم به‌یه‌كه‌وه‌ له‌ گه‌ڵ بزووتنه‌وه‌ی گۆڕان و ته‌واوی لایه‌نه‌ سیاسی و پێكهاته‌كانی هه‌رێمی كوردستان، هه‌ماهه‌نگ و هاوكار بین بۆ داكۆكیكردن له‌ مافه‌ ده‌ستوورییه‌كانی هه‌رێمی كوردستان و تێپه‌ڕاندنی ئه‌م دۆخه‌ سه‌خته‌ی ئێستا، له‌ رێگه‌ی پشتیوانیكردن له‌ كارنامه‌ی حكومه‌تی هه‌رێم و ئه‌نجامدانی پرۆسه‌ی چاكسازی كه‌ داوا و خواستی گشت لایه‌نه‌كان و هاووڵاتییانه‌.
 
مه‌سروور بارزانی
سه‌رۆكی حكومه‌تی هه‌رێمی كوردستان

2020/5/31

PUKmedia راگه‌یاندنی سه‌رۆكایه‌تی حكومه‌ت