د. به‌شیر: یه‌كێتی حزبێكی كاریگه‌ری هه‌رێم و عیراقه‌

.

به‌بۆنه‌ی (45)مین ساڵیادی دامه‌زراندنی یه‌كێتیی نیشتمانیی كوردستان، د.به‌شیر خه‌لیل حه‌داد جێگری سه‌رۆكی ئه‌نجومه‌نی نوێنه‌رانی عیراق، بروسكه‌یه‌كی پیرۆزبایی ئاڕاسته‌ی سه‌رۆكایه‌تی و ئه‌ندام و لایه‌نگرانی یه‌كێتی كردووه‌، كه‌ ئه‌مه‌ ده‌قه‌كه‌یه‌تی:

په‌یامی د.به‌شیر حه‌داد، به‌بۆنه‌ی ساڵڕۆژی دامه‌زراندنی یه‌كێتیی نیشتمانیی كوردستان

به‌ڕێزان هاوسه‌رۆكان و ئه‌ندامانی ئه‌نجومه‌نی سه‌ركردایه‌تی یه‌كێتی نیشتمانی كورستان
به‌بۆنه‌ی چل و پێنجه‌مین ساڵڕۆژی دامه‌زراندی یه‌كێتیی نیشتمانیی كوردستان، پیرۆزباییه‌كی گه‌رم ئاراسته‌ی ئێوه‌ی به‌رێز و ئه‌ندام و لایه‌نگرانی حزبه‌كه‌تان ده‌كه‌م و هیوای سه‌ركه‌وتنان بۆ ده‌خوازم.

یه‌كێتیی نیشتمانیی كوردستان حزبێكی كاریگه‌ری ناو گۆره‌پانی سیاسی هه‌رێمی كوردستان و عیراقه‌، له‌و ده‌ستكه‌وتانه‌ش كه‌ ئێستا گه‌لی كوردستان له‌ هه‌رێمی كوردستان به‌ ده‌ستی هێناون، پشكدارو رۆڵی سه‌ره‌كی تێدا گێڕاوه‌ و ئه‌وه‌ش به‌رهه‌می ئه‌و یه‌كڕیزی و یه‌كگرتووییه‌ بووه‌ كه‌ له‌ نێوان لایه‌نه‌ سیاسییه‌كان و گه‌لی كوردستاندا هه‌بووه‌.

له‌ ئێستاشدا كه‌ یادی دامه‌زراندنی یه‌كێتیی نیشتمانیی كوردستان ده‌كه‌ینه‌وه‌، له‌ هه‌موو كات زیاتر پێویستیمان به‌ یه‌كڕیزی و یه‌كگرتووی هه‌یه‌ بۆ به‌ده‌ستهێنانی ده‌ستكه‌وتنی زیاتر بۆ گه‌لی كوردستان و پاراستنی ئه‌و ده‌ستكه‌وتانه‌، ئه‌گه‌ر ناكۆكییه‌كیش له‌ نێوان لایه‌نه‌كان هه‌بێت، پێویسته‌ له‌سه‌ر مێزی دانوستاندن چاره‌سه‌ر بكرێت و ئه‌و كاره‌ش به‌ بێ نه‌رمی نواندن و قوربانی دان نابێت.

 پیرۆز بێت ساڵڕۆژی دامه‌زراندنی یه‌كێتیی نیشتمانیی كوردستان.

دكتۆر به‌شیر خه‌لیل حه‌داد
جێگری سه‌رۆكی ئه‌نجومه‌نی نوێنه‌رانی عیراق

PUKmedia