riklam

یه‌كێتی و یه‌كگرتوو ته‌ئكید له‌ دیالۆگ و زمانی ھاوبه‌ش بۆ تێپه‌ڕاندنی دۆخه‌كه‌ ده‌كه‌نه‌وه‌

ی.ن.ک‌‌ 07:04 PM - 2020-05-30
.

.

ھاوسه‌رۆكانی یه‌كێتیی نیشتمانیی كوردستان له‌ ده‌باشان به‌ ئاماده‌بوونی ژماره‌یه‌ك له‌ ئه‌ندامانی مه‌كته‌بی سیاسی و سه‌ركردایه‌تی یه‌كێتیی پێشوازیانكرد له‌ له‌ مامۆستا سه‌ڵاحه‌دین محه‌مه‌د به‌هائه‌دین ئه‌مینداری گشتی یه‌كگرتووی ئیسلامی كوردستان و وه‌فدێكی باڵای یه‌كگرتووی ئیسلامی كوردستان.

له‌دیدارێكدا ته‌ئكیدكرایه‌وه‌ له‌ فراوانكردنی ئاسۆی ھاریكاری و ھه‌ماھه‌نگی ھاوبه‌ش له‌نێوان ھه‌ردوولایه‌نی دۆستدا، به‌جۆرێك خزمه‌ت به‌ به‌رژه‌وه‌ندییه‌ باڵاكانی ھه‌رێم بگه‌یه‌نێت، وێڕایی پێویستی لێكگه‌یشتن بۆ چاره‌سه‌ری ته‌واوی كێشه‌كانی نێوان لایه‌نه‌كان، تا ئاشتی و سه‌قامگیری سیاسی و كۆمه‌ڵایه‌تی زیاتر به‌رقه‌راربێت.

ھه‌رله‌دانیشتنه‌كه‌دا دیالۆگ و زمانی ھاوبه‌ش بۆ تێپه‌ڕاندنی دۆخه‌كه‌و له‌به‌ر چاوگرتنی به‌رژه‌وه‌ندی ھاوبه‌ش له‌ بڕیارو ئاڕاسته‌ سیاسییه‌كان دووپاتكرایه‌وه‌ و داوا له‌ده‌سه‌ڵاتی جێبه‌جێكردنیشكرا بیری جددی له‌چاره‌سه‌ركردنی ریشه‌یی بژێوی و قوتی ھاووڵاتیان به‌گشتی و موچه‌خۆران به‌تایبه‌ت بكاته‌وه‌ و له‌گه‌ڵ ئه‌نجامدانی ھه‌رگۆڕانكارییه‌كیش ھاووڵاتیانی ھه‌ژارو كه‌مده‌رامه‌ت زه‌رمه‌ندنه‌بن و ھه‌ر چاكسازییه‌كیش بكرێت پێویسته‌ وه‌ڵامده‌ره‌وه‌ی داخوازی و پێویستییه‌كانی ئه‌مڕۆی كۆمه‌ڵانی خه‌ڵك بێت.

له‌به‌شێكی تری دیداره‌كه‌دا به‌ له‌به‌رچاوگرتنی دۆخی سیاسی و ئابووری و ته‌ندروستی ھه‌ڵسه‌نگاندن بۆ كۆی ھاوكێشه‌كان كراو بیروبۆچونیان له‌باره‌وه‌ ئاڵوگۆڕكرا .

ھه‌ر له‌و ده‌رفه‌ته‌دا ئه‌مینداری گشتی یه‌كگرتوو و وه‌فدی یاوه‌ری به‌بۆنه‌ی 45 ھه‌مین ساڵیادی دامه‌زراندنی یه‌كێتیی پیرۆزباییان گه‌یانده‌ ھاوسه‌رۆكه‌كان و سه‌ركردایه‌تی و ئه‌ندامانی یه‌كێتیی نیشتمانیی كوردستان.

PUKmedia

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket