قوباد تاڵەبانی پیرۆزبایی لەرێكخراوی ئازادی لاوانی كوردستان دەكات

.

قوباد تاڵەبانی جێگری سەرۆكی حكومەتی هەرێم بەبۆنەی ساڵیادی دامەزراندنی رێكخراوی ئازادی لاوانی كوردستان-ەوە  بروسكەیەكی پیرۆزبایی ئاڕاستەی سكرتێر و ئەندامانی سكرتاریەتی رێكخراوەكە دەكات كە ئەمە دەقەكەیەتی:

بە‌ڕێزان سكرتێر و ئەندامانی سكرتاریەتی رێكخراوی ئازادی لاوانی كوردستان

بەبۆنەی ساڵیادی دامەزراندنی رێكخراوەكەتانەوە چەپكە گوڵی پیرۆزباییتان ئاڕاستە‌ دەكەم و هیوای بەرەوپێشچوون و گەشەكردنی بەردەوامتان بۆ دەخوازم .

لەماوەی زیاتر لە دوو دەیە كە ئێوە دەستبەكارن، رۆڵی كاراتان  ھە‌بووە‌ لە كرانەوە و پێگەیاندنی نەوەیەكی چاوكراوە و خەباتی مەدەنی كوردستان، ڕوونیشە‌ كە‌ ئێوە‌ رووكارێكی جوانی كۆمەڵگای كوردی و سەرمایەیەكی بەنرخی یەكێتیی نیشتمانیی كوردستانن.

بەهیوام لە قۆناغی نوێی خەباتی یەكێتیدا، بەپێی بەرنامەو خشتەیەكی سەردەمیانە بەردەوام بن و كاروانی رابەرمان مام جەلال زیاتر و زیاتر پەرە پێ بدەن.

دووبارە پیرۆزە و هەر سەرفرازبن.

قوباد تاڵەبانی

PUKmedia تایبەت