نوسینگەی سەرۆكی حكومەتی هەرێم روونكردنەوەیەكی بڵاوكردەوە

.

نوسینگەی سەرۆكی حكومەتی هەرێمی كوردستان لەسەر قەرزە داراییەكانی سەر هەرێمی كوردستان روونكردنەوەیەكی بڵاوكردەوە. 

لەروونكردنەوەكەی  نوسینگەی سەرۆكی حكومەتی هەرێمی كوردستان داهاتووە:"   لە چەند مانگی ڕابردوودا و لە چەندین بۆنەی جیادا سەرۆكی حكومەتی هەرێمی كوردستان ئاماژەی بە بابەتی قەرزەكانی ھەرێم داوە و ڕوونی كردووەتەوە كە بەشێكی زۆری ئەو گوژمەیەی ئاماژەی پێدەكرێت، پاشەكەوتی مووچەیە و  دەچێتە خانەی ئیلتیزاماتی دارایی ھەرێم،  كە ھۆكارەكەشی نەناردنی بەشە بودجەی ھەرێم لە بەغداوە بووە. لە راستیشدا ئەو كوژمەیە دەبێتە ئیلتیزامی دارایی بەغداش بەرامبەر بە ھەرێم".

رونیشكراوەتەوە:" دوای ئەوەی لە دوا وتاری  سەرۆكی حكومەتدا  دیسان ئاماژە بەو بابەتە درا، ژمارەیەكی زۆر لە كەس و لایەنەكان كە تا ئێستا بێدەنگ بوونە، ھاتنە ئاخاوتن و ڕوونكردنەوەیان داوە كە ئەو قەرزانە بەشێكی زۆری پاشەكەوت و ئیلتیزامی داراییە. سوپاسی ھەموو ئەو كەس و لایەنانە دەكەین كە دواجار دانیان بەو ڕاستیانە دانا كە دەمێكە باسیان دەكرێت، مەبەستیان لەو نووسین و ڕوونكردنەوانە ھەرچی بێت، سەلمێنەری ئەوە بووە كە ئەو قەرز و ئیلتیزاماتانە ھەن و دەبێت واقعیانە مامەڵەیان لەگەل بكرێت.

PUKmedia  نوسینگەی سەرۆكی حكومەتی هەرێمی كوردستان