د. جوان ئیحسان: ئه‌م جه‌ژنه‌ ببێته‌ مایه‌ی ئاشتی و سه‌قامگیری

.

به‌بۆنه‌ی هاتنه‌وه‌ی جه‌ژنی ڕه‌مه‌زانی پیرۆزه‌وه‌، دكتۆر جوان ئیحسان فوزی سه‌رۆكی فراكسیۆنی یه‌كێتیی نیشتمانیی كوردستان له‌ ئه‌نجومه‌نی نوێنه‌رانی عیراق، بروسكه‌یه‌كی پیرۆزبایی ئاڕاسته‌ی سه‌رجه‌م مسوڵمانانی عیراق و كوردستان كردووه‌، كه‌ ئه‌مه‌ ده‌قه‌كه‌یه‌تی: 

به‌بۆنه‌ی هاتنه‌وه‌ی جه‌ژنی ڕه‌مه‌زانی پیرۆزه‌وه‌ به‌ناوی خۆم و هه‌ڤاڵانم له‌فراكسیۆنی یه‌كێتیی نیشتمانیی كوردستان له‌ئه‌نجومه‌نی نوێنه‌رانی عیراق پیرۆزبایی له‌سه‌رجه‌م مسوڵمانانی عیراق و كوردستان ده‌كه‌م.
 له‌په‌روه‌ردگاری مه‌زن داواكارم ڕۆژو تاعه‌تی هه‌موولایه‌كمان قبوڵ بفه‌رمووێت و هه‌موو لایه‌كمان له‌په‌تای كۆرۆنا پارێزراو بكات، هیوادارم ئه‌م جه‌ژنه‌ ببێته‌ مایه‌ی ئاشتی و سه‌قامگیری و زاڵبون به‌سه‌رئه‌و قه‌یرانانه‌ی كه‌ جیهان به‌گشتی و عیراق و كوردستان به‌تایبه‌تی پێیدا تێپه‌ڕده‌بێت. جه‌ژنی ڕه‌مه‌زانی پیرۆزی ئه‌مساڵ هاوكاته‌ له‌گه‌ڵ بڵاوبونه‌وه‌ی ڤایرۆسی كۆرۆنا هیواخوازم له‌ماوه‌ی ڕۆژانی جه‌ژندا زیاتر پابه‌ندی ڕێنماییه‌ ته‌ندروستییه‌كان بین و سوپاسگوزاری هه‌موو ئه‌و كه‌سایه‌تی و لایه‌نانه‌بین كه‌له‌ڕۆژانی جه‌ژندا به‌ئه‌ركی خۆیان هه‌ڵده‌ستن بۆپاراستنی ژیانی هاووڵاتییان هه‌تا پێكه‌وه‌ به‌ته‌واوه‌تی ئه‌م بارودۆخه‌ سه‌خته‌ تێده‌په‌ڕێنین ..

 دوباره‌ پیرۆزبایتان لێ ده‌كه‌م هه‌موو ڕۆژێكتان جه‌ژن و خۆشی بێت و هه‌موو جه‌ژنێكتان پڕبێت له‌ ئاسوده‌یی و ئارامی .

دكتۆر جوان ئیحسان فوزی
سه‌رۆكی فراكسیۆنی یه‌كێتیی نیشتمانیی كوردستان
له‌ئه‌نجومه‌نی نوێنه‌رانی عیراق

PUKmedia