riklam

په‌یامی پیرۆزبایی مه‌ڵبه‌ندی 4ی دهۆك به‌بۆنه‌ی جه‌ژنی ره‌مه‌زانی پیرۆزه‌وه‌

ی.ن.ک‌‌ 09:07 PM - 2020-05-23
.

.

په‌یامه‌ك ل مه‌لبه‌ندێ چوارێ بادینان
خه‌لكێ شه‌ره‌فمه‌ندێ پارێزگه‌ها دهوك و ده‌ڤه‌را بادینان، ب هه‌لكه‌فتا هاتنا جه‌ژنا ره‌مه‌زانا پیرۆز، جوانترین پیرۆزباهی یێن مه‌ قه‌بیل بكه‌ن، ئومێده‌وارین جه‌ژنا خێر و خۆشی و به‌ره‌كه‌تێ بیت بۆ هه‌رێما كوردستانێ ب گشتی، ب هه‌موو پێكهاتێن وێ یێن ئایینی و نه‌ته‌وی ڤه‌.
جه‌ژنا ئه‌ڤ ساڵه‌ یا ره‌مه‌زانێ، د ده‌مه‌كیدایه‌ كو هه‌رێما كوردستانێ وه‌كو هه‌موو وه‌ڵاتێن ده‌وروبه‌ر و جیهانێ كه‌تییه‌ به‌ر گه‌ف و مه‌ترسییا به‌ڵاڤبوونا ڤایرۆسێ كورۆنا، بهه‌وڵێن حكومه‌تێ و هه‌ڤكاریه‌كا تمام یا وه‌ڵاتیان، ڕێگریه‌كا باش ل به‌ڵاڤبوونا ڤایرۆسێ كوژه‌ك هاته‌كرن و هه‌تا نها كێمترین زیان و تووشبون ل هه‌رێما مه‌ هاتینه‌ توماركرن، بڤێ هه‌لكه‌فتا پیرۆز، ژ خودایێ مه‌زن و دلۆڤان هیڤیخوازین ڤێ په‌ژیكێ بسه‌ر خه‌لكێ مه‌دا ده‌رباز بكه‌ت و پێكڤه‌ ب سلامه‌تی ڤێ قۆناغێ ده‌رباز بكه‌ین.
وه‌ڵاتیێن به‌رێز :-
هه‌رێما كوردستانێ یا كه‌تییه‌ ژێر بار و فشاره‌كا داریی و ئابوورییا خراب و ناله‌بار، نه‌دابه‌شكرنا مووچێ فه‌رمانبه‌ران و بلندبوونا ڕێژه‌یا بێكاریێ و ئالۆزبوونا ڕه‌وشا ژیان و ژیارا وه‌ڵاتیان و ب تایبه‌تی خه‌لكێ مووچه‌خۆر و كێم ده‌رامه‌ت، هه‌تا ڕاده‌كی یا گه‌هشتییه‌ ئاسته‌كێ مه‌ترسیدار، كو خه‌لكه‌كی ده‌ست ب فرۆشتنا كه‌لوپه‌لێن ناڤمالیا خۆ كرییه‌ بۆ دابینكرنا خوارن و ده‌رمان و پێدڤی یێن سه‌ره‌كی، و ژنه‌چاری وه‌ڵاتی و فه‌رمانبه‌ر و ماموستا، په‌نایێ بۆ خۆپێشاندانێن مه‌ده‌نی و دورستكرنا فشارێ دبه‌ن بۆ بده‌ستڤه‌ئینانا مووچه‌ و خانه‌نشینی و پاشكه‌فتێ مووچه‌ی، كو سه‌ره‌كیترین مافێن وانن و ژێده‌رێ ژیانا زارۆك و خێزانێن وانایه‌.
بهه‌لكه‌فتا جه‌ژنا ره‌مه‌زانا پیرۆز، دووباره‌ داخوازێ ژ حكومه‌تا هه‌رێما كوردستانێ دكه‌ین، له‌زێ بكه‌ت بۆ دیتنه‌ڤا ڕێ و شێواز و میكانزمێن گونجای پێخه‌مه‌ت دابینكرنا مووچێ فه‌مانبه‌ر و ماموستایان، و پلانێن توكمه‌ بێخیته‌ دبوارێ جێبه‌جێكرنێدا بۆ ئه‌نجامدانا چاكسازی و بنبڕكرنا گه‌ندلیێ.
حزب و لایه‌نێن سیاسی و ڕێكخراوێن جڤاكێ سڤیل ل ده‌ڤه‌را بادینان
بناڤێ سه‌رجه‌م كادر و ئه‌ندام و هه‌ڤالێن ئێكه‌تی نیشتیمانی كوردستان ل سنورێ پارێزگه‌ها دهوك، جه‌ژنا ڕه‌مه‌زانێ ل هه‌وه‌یێن به‌رێز و هه‌ڤخه‌بات پیرۆز دكه‌ین، هیڤیخوازین ئه‌ڤ جه‌ژنه‌ ببیته‌ ده‌لیڤه‌ بوو ئاشتبوونه‌ڤا كۆمه‌ڵایه‌تی، و به‌رجه‌سته‌كرنا گیانێ لێبورینێ و هه‌ڤدو قه‌بیلكرنێ، و پێكڤه‌ كار بكه‌ین بۆ پاراستنا ده‌ستكه‌فت و بده‌ستڤه‌ئینانا مافێن نشتیمانی و نه‌ته‌وی، و به‌رپاكرنا ئازادیا ڕاده‌ربرینێ و چه‌سپاندنا بنه‌مایێن دیموكراسیه‌ت و مافی مرۆڤ، و به‌رقه‌راركرنا تێگه‌هێ هاوڵاتیبونێ و دابینكرنا مافێن مافخوازان.
دووباره‌ جه‌ژنا هه‌موان پیرۆز بیت و هه‌موو ڕۆژێن هه‌وه‌ جه‌ژن و شادی بن.
مه‌ڵبه‌ندێ (٤)ێ دهۆك یێ ئێكه‌تی نیشتمانی كوردستان

PUKmedia

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket