رۆژئاوا.. ئاسایش پیلانێكی داعش پوچەڵدەكاتەوە

.

هێزەكانی ئاسایشی رۆژئاوای كوردستان، لەناوچەی تەبقەی سنوری پارێزگای رەققە پەلامارێكی داعشیان تێكشكاند.

شیمار حیمۆ چالاكوانی سیاسی لەرۆژئاوای كوردستان تایبەت بە PUKmedia ی راگەیاند: شەوی رابردوو تیرۆرستانی داعش لەناوچەی  علمی سەربە شاری تەبقەی سنوری پارێزگای رەققە، پەلاماری خاڵێكی پشكنینی هێزەكانی ئاسایشی رۆژئاوای كوردستانیان داوە.

وتیشی: هێزەكانی ئاسایش بەتوندی روبەڕوویان بوونەتەوەو تێكیان شكاندوون.

باسی لەوەشكرد: بەپێی زانیاریە سەرەتاییەكان حەوت  تیرۆرست كوژراون و پێنجی تریش دەستگیركراون.

 ئەو چالاكوانە ووتی: ئەو پیلانەی داعش بۆ هەڵكوتانە سەر زیندانی گەورەی تیرۆرستانی داعش بووە لەو ناوچەیە، بەڵام هێزەكانی ئاسایش بەتوندی وەڵامیان داونەتەوەو زیانی زۆریان پێگەیاندون.

PUKmedia سامان یاروەیس