هه‌واڵی كۆچی دوایی موئه‌یه‌د به‌دری ره‌تده‌كرێته‌وه‌

.

هه‌واڵی كۆچی دوایی ، گه‌وره‌ پێشكه‌شكارو وه‌رزشكاری دێرینی عێراق ، موئه‌یه‌د به‌دری ره‌تده‌كرێته‌وه‌ .

ئه‌مرۆ پێنجشه‌ممه‌ پاش بڵاوبوونه‌وه‌ی هه‌واڵی كۆچی دوایی موئه‌یه‌د به‌دری له‌ چه‌ندین په‌ڕه‌ی تۆره‌ كۆمه‌ڵایه‌تیه‌كان و ته‌نانه‌ت چه‌ندین ماڵپه‌ری وه‌رزشی ، به‌ڵام هه‌واڵه‌كه‌ ره‌تده‌كرێته‌وه‌ .

زه‌یدون به‌دری ، كوڕی موئه‌یه‌د به‌دری ئاشكرایكردووه‌، ته‌ندروستی باوكی باشه‌و هه‌واڵی كۆچی دوایی دووره‌ له‌ راستی و سوپاسی ته‌واوی ئه‌و كه‌سانه‌ش ده‌كات له‌ خه‌می ته‌ندروستی و هه‌واڵی باوكی بوون .

موئه‌یه‌د به‌دری به‌ یه‌كێك له‌ رۆژنامه‌نووسه‌ وه‌رزشیه‌ دێرینه‌كانی عێراق و ته‌نانه‌ت كیشوه‌ری ئاسیا داده‌نرێت و خاوه‌نی درێژترین به‌رنامه‌ی وه‌رزشیه‌ له‌ میدیای عێراقی و ماوه‌ی چه‌ند ساڵێكیش سه‌رۆكی یه‌كێتیی تۆپی پێی عێراق بووه‌ .

موئه‌یه‌د به‌دری چه‌ندین ساڵه‌ له‌ ده‌وحه‌ی پایته‌ختی قه‌ته‌ر ژیان به‌سه‌رده‌بات و چه‌ندین جاریش به‌ هۆی هه‌ڵكشانی ته‌مه‌نی هه‌واڵی ناراست له‌سه‌ر ژیانی بڵاوكراوه‌ته‌وه‌ .

PUKmedia وه‌رزش -هه‌رێز جه‌مال