داواكاریەكانی كەركوك دەگەیەنرێتە وەزیری كشتوكاڵ

.

ژمارەیەك لەپەرلەمانتارانی فراكسیۆنی یەكێتیی نیشتمانی كوردستان لەئەنجومەنی نوێنەرانی عیراق، سەردانی وەزیری سەرچاوە كانی ئاوو وەزیری كشتوكاڵیان بەوەكالەت كرد.

مەریوان نادر ئەندامی ئەنجومەنی نوێنەرانی عیراق لەلێدوانێكیدا بۆ PUKmedia ووتی: سەرلە بەیانی ئەمڕۆ ٢١/٥/٢٠٢٠ لەگەڵ هەریەك لە پەرلەمانتارانی كەركوك("جەمال شكور، بێستون عادل" لە بەغداد سەردانی   مەهدی رەشید وەزیری سەرچاوەكانی ئاو و وەزیری كشتوكاڵ بە وەكالەتیان كرد.

وتیشی: مەبەست لە سەردانەكەمان بەدواداچوون بوو بۆ چەند پرسێكی گرنگ كە پەیوەندییان هەیە بە ژیان و بژێوی و بەرژەوەندییەكانی هاوڵاتیانی كەركوك و خزمەتكردنی شارەكە.

جەختیكردەوە: لەكۆبونەوەیەكماندا كۆمەڵێك داوكاریمان بۆ خستنەڕوو كە پێكهاتبوون لە، دەستكردن بە كاركردن لە پڕۆژەی بەنداوەكانی " هەڵمێن، قەرەحەسەن، قرقجە، كونجەلی" كە گرنگن بۆ بوژانەوەی كشتوكاڵ و ئاودێری و سامانی ماسی و كەرتی گەشتیاری دەبێتەهۆی‌ بەرزكردنەوەی ئاستی بژێوی هاوڵاتیانی ئەو سنوورانە.

رونیشكردەوە: بەمەبەستی بەدواداچوون بۆ پلانی كشتوكاڵی كەركوك و وەرگرتنی بەرهەمی دانەوێڵەی جوتیارانی سنوری دووبز و سەرگەڕان و پردێ و لەیلان و شوان...هتد، لەسەرداوای جوتیارەكانی ئەو سنوورانەكە تائێستا جێبەجێ نەكراوە و ساڵانە ئەو كێشەیە رووبەڕوی پەرلەمانتاران دەبێتەوە، سەبارەت بەو زەویانەی كە بە پێی بڕیاری ٢٩ ی ساڵی ٢٠١٢ گەڕاونەتەوە بۆ ئەو جووتیارانەی كە خاوەنی ()ن دوای ئەوەی پێشتر ‌ لەبەڕێوەبەرایەتی كشتوكاڵی كەركوك پەرلەمانتاران بەدواداچوونیان بۆ بابەتەكه كردبوو,

ئەوەشی ئاشكراكرد:  لەسەر داوای ئێمە نوسراو ئاڕاستەی وەزارەتی كشتوكاڵ كردبوو، هاوكات وەزارەتیش نوسراوی ئاڕاستەی ئەنجوومەنی وەزیران كردبوو، بۆیە ئەمڕۆ جارێكی دیكە سەرجەم ئەوەلیاتەكانی كارەكانیان تایبەت بەم پرسەمان گەیاندە جەنابی وەزیر و ئەویش لە لای خۆیەوە پەیمانی دا لە ئەنجومەنی وەزیران- لیژنەی ئابووری بەزووترین كات جێبەجێ بكرێت.

  سەبارەت بە كێشەی سایلۆی كەركوك ، مەریوان نادر ووتی: داوامان لە وەزیری كشتوكاڵكرد  كە  بەدواداچوون بكات بۆ كێشەی ستەمكردن لە جوتیاران كە لە وەرگرتنی بەروبوومەكانیاندا لە سایلۆی كەركوك تایبەت بەم پرسەش جەبابی وەزیر بەڵێنی بەدواداچوون و چارەسەركردنی بابەتەكەی پێداین..

مەریوان نادر ئەوەشی وت: هەروەها ڕێكخستنی بەردانەوەی ئاوی بەنداوی خاسەچای یەكێكی  دیكەبوو لەو داواو گفتوگۆیانەی كەلەگەڵ وەزیردا ئەنجامماندا.

PUKmedia سامان یاروەیس