نۆزدە ساڵە كاكە شا جێیهێشتوین
ی.ن.ک 03:47 PM - 2020-05-21.
نۆزدە ساڵە كاكە شا جێهێشتوین ،بەڵام هەر لە یادمان ناچێت
"كاكە شا نمونەی دڵسۆزیی و تەفانیە " ئەوە دێڕێكی ئەو ستایشەی سەرۆك مامجەلال بو سەبارەت بە سەركردەی هەمیشە زیندو شازاد سایب لە كاتی مەراسیمی سوێند خواردنی وەك وەزیری كشتوكاڵ لە ساڵی 2001 دا .
بەڵێ ئەو ستایشەی مام ، رێك بە باڵای سەكردەی نەمر شازاد سایب دورابو، ئەوەی ساتێك كاك شازادی ببینایە دركی بەو راستییە ئەكرد كە لە بارەیەوە بیستویەتی . كاك شازاد وەك پارێزەر ، وەك سیاسەتمەدار ، وەك پێشمەرگە ، وەك رێكخستن و وەك دیپلۆماتكار و وەزیر جێ دەستی خۆی نەخشاندوە بە دڵسۆزیی و لێبوردەییەوە ئەركەكانی راپەڕاندوە .ئەو هەمو كاتێك لە تەنیشت بەڵ ێ كانیەوە( بۆ ؟ ،بۆچی ؟ ، بەڵام ! یشی هەبو ) واتە لە كاتی راپەڕاندنی ئەركەكانیدا ئەیزانی بە چ ئامانج و پلان و بەرنامە یەك جێبەجێیان ئەكات ، بۆیە هەمیشە بە سەركەوتویی كاروانی كارەكانی بەڕیوە چوە .
كاك شازاد هەرگیز وای نیشان نەداوە كە چەندین ئەركی قورس و سەختی رێكخراوەیی و سیاسیی لە قۆناغە جیاجیاكاندا بە سەركەوتویی راپەڕاندوە ، بە تایبەتیی لە كاری نهێنیی رێكخراوی( كۆمەڵەی ماركسیی _لینینیی كوردستان،كۆمەڵەی رەنجدەرانی كوردستان ) لەوانە گەیاندنی پەیامی سەركردایەتیی ناوەوە بۆ دەرەوەی وڵات و هێنانەوەی دێر بەدێڕی وەڵامەكانی هەڤاڵ مامجەلال بۆ هەڤاڵانی وڵات ، دواتریش لە رێكخستنی كاروباری قانونی شۆڕش لە دوای ساڵی 1980 كە ی ن ك ئیتر دامەزراوەی جیاجیای دروست كردبو روبەرێكی فراوانیشی بە دەستەوە بو بەرامبەر بە خەڵكی ئەو ناوچانە و كاروباری رۆژانە بەرپرسیاریەتی زۆری كەوتبوە ئەستۆ ، بۆ ئەمەش پێویستی بە دادگا و مەرجەعی قانونی هەبو ،لەوەشدا كاكە شا رۆڵی گرنگی بینی ، كە ئەركی پەیوەندییەكانی ئەوروپایشی پێ سپێردرا بە هەمان شێوە جیچ دەستی خۆی نەخشاند .
لە نوێنەرایەتییەكەیشی لە ئانكەرە هەم بەردێكی بناغەی باشی داڕشت بۆ نێوانی حكومەت و حزبەكانی توركیا و ی ن ك هەم سەرباری گرژیی پەیوەندییەكان نزیكیی و لێك تێگەیشتنی لەگەڵ نوێنەری پ د ك نەپچڕاندبو ئەوەش كارامەیی و شارەزایی سیاسیی و دیپلۆماتیی ئەم سەركردە بەتوانا و ژیرە نیشان ئەدات ,كاتێك كە ئەركی وەزیریی پێ سپێردرا لە وەزارەتی كشتوكاڵ لە هەمو روەكانەوە كارو چالاكییەكانی ئەوە وەزارەتەی بەرەوپێش برد بە تایبەتیی لە روە قانونییەكانی كشاوەرزییەوە .
كاكە شا هیچ رێگرییەك لەبەردەمیدا نەبو بۆ ئەوەی هەرچی پلەیەكی حزبایەتیی وەربگرێت ،بەڵام هەمیشە ئیفەرمو با هەڤاڵەكانی تر وەریبگرن ، ئەوەبو لە كۆنگرەی دوەمی ی ن ك دا سەرباری داوای سەرۆك مامجەلال و مسۆگەر بونی بەدەستهێنانی زۆرینەی دەنگەكان كەچی رێگای رەخساند بۆ هەڤاڵانی تر .
ئەو دژی هەمو دەستەگەریی یەك بو لەگەڵ دەربڕینی بیروڕاكانی خۆی لەهەمو كۆڕ و كۆمەڵێكی حزبیدا لەبەرامبەر هەمو هەڤاڵانەكانیدا ،بەڵام پەیوەندیشی لەگەڵ هەمواندا تەبا و خۆش بو . بە داخەوە كاكە شا خاكیی و شارەزا و قاڵبوە روناكبیر و سیاسەتمەدارەكەی ی ن ك و حكومەتی هەرێمی كوردستان زو بەجێی هێشتین فریا نەكەوتین دەرسی زیاتری لێوە فێر بین و راوێژی زیاتری پێ بكەین ، بۆیە سەرۆك مامجەلال لە هەموان زیاتر خەمبار بو بە ماڵئاواییەكەی (ئاخر ئەیزانی كاكە شا ئەتوانێت لەو قۆناغەدا و دواتریش چ خزمەتێكی گەلەكەی و یەكێتییەكەی بكات ) سڵاو لە گیانی كاك شازاد سایب ، هەمیشە یاد و هەڵوێستەكانی بە زیندویی ئەمێننەوە لە دەفتەری سەروەرییەكاندا.
بارزان شێخ عوسمان
هەواڵی زیاتر
-
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18
ئەمانەش ببینە
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
سەرۆک بافڵ: یەکێتی ئامادەی هەڵبژاردنە
03:49 PM - 2024-04-18
کۆمسیۆن وادەی بانگەشەی هەڵبژاردن دیاریدەکات
10:29 AM - 2024-04-18
زۆرترین خوێنراو
-
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18 -
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
کوردستان 05:05 PM - 2024-04-18 -
كونسوڵی روسیا: یهكێتی هێزێكی كاریگهره
کوردستان 04:42 PM - 2024-04-18 -
سەرۆک بافڵ: یەکێتی ئامادەی هەڵبژاردنە
کوردستان 03:49 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
کوردستان 02:20 PM - 2024-04-18