نوێژی جه‌ژن له‌مزگه‌وته‌كان ناكرێت

.

به‌پێی بڕیاری وه‌زاره‌تی ناوخۆ بۆ سێ رۆژی جه‌ژنی ره‌مه‌زان سه‌رجه‌م مزگه‌وت و شوێنه‌ ئاینییه‌كان داده‌خرێن.

له‌و باره‌یه‌شه‌وه‌ مه‌ریوان نه‌قشبه‌ندی، به‌رێوه‌به‌ری گشتی له‌ وه‌زاره‌تی ئه‌وقاف و كاروباری ئاینی حكومه‌تی هه‌رێمی كوردستان رایگه‌یاندووه‌: "بۆ رێگری كردن له‌بڵاوبوونه‌وه‌ی ڤایرۆسی كۆرۆنا بڕیارماندا نوێژی جه‌ژنی ره‌مه‌زانی پیرۆز ئه‌نجام نه‌درێت".

وتیشی: "هه‌ر به‌پێی بڕیاره‌كه‌ نوێژی جه‌ژن و بۆنه‌ ئاینییه‌كان ناكرێن هاوكات تاكییه‌و خانه‌قاكانیش داده‌خرێن،

له‌ لایه‌كی دیكه‌شه‌وه‌ به‌ڕێوه‌به‌رایه‌تی ئه‌وقاف و كاروباری ئاینی سلێمانی كۆبوه‌وه‌و بڕیاردرا نوێژی جه‌ژن له‌ مزگه‌وته‌كانی سلێمانی ئه‌نجام نه‌درێت بۆ ڕێگریكردن له‌ بڵاوبوونه‌وه‌ی ڤایرۆسی كۆرۆنا.

PUKmedai تایبه‌ت