داقوق.. دەخڵودانی جوتیارانی كورد دەسوتێنرێن

.

ماوەی چەند شەوێكە تیرۆرستانی داعش و دەستێكی نادیار لەسنوری گوندەكانی داقوق دەخڵودانی جوتیارانی كورد دەسوتێنن.

ئیدریس عادل جێگری لێپرسراوی مەڵبەندی كەركوكی یەكێتیی نیشتمانیی كوردستان تایبەت بۆ PUKmedia ووتی: هاوشێوەی ساڵی پار، تیرۆرستانی داعش و دەستێكی نادیار، دەستیان بە گڕتێبەردانی دەخڵودانی جوتیارانی كورد لەناوچەی تاڵەبانی و كاكەیی و دادودەی حەوتە غار كردوە.

وتیشی: شەوی رابردوو لەسنوری  ناوچەی داودە لەگونی حەوتەغار ئاگر لەدەخڵودانی جوتیارانی كورد بەردرابوو، بەو هۆیەوە زیانی زۆر كەوتووەتەوە.

رونیشكردەوە: بەداخەوە ئەمشەویش بەهەمان شێوە لەناوچەی  گوندەكانی تاڵەبانی لەگوندی عەبدوڵڵا غانم ئاگر لە دەخڵودانی جوتیاران بەردراوەو زیانی زۆری هەبووە.

جەختیكردەوە: لەكاتی ئاگر تێپەردانی دەخڵودانی جوتیاراندا تەقە لە جوتیاران دەكرێت بۆ ئەوەی  نەتوانن دەخڵودانەكانیان بكوژێننەوە، ساڵی رابردوو بەهەمان شێوە چەندین جوتیار شەهیدكرابوون.

PUKmedia سامان یاروەیس