فراكسیۆنی یەكێتی: بەپارێزگاکردنی هەڵەبجە مافێکی دەستورییە

.

وەفدێکی فراكسیۆنی یەكێتی لە ئەنجومەنی نوێنەرانی عێراق سەردانی پارێزگای هەڵەبجەیانكرد و لەگەڵ لێپرسراوانی پارێزگاکە کۆبونەوە.

ئەمڕۆ چوار شەممە ٢٠-٥-٢٠٢٠ وەفدێكی فراكسیۆنی یەكێتی لە ئەنجومەنی نوێنەرانی عێراق سەردانی پارێزگای هەڵەبجەیانكرد و لە كۆبوونەوەیەكیاندا لەگەڵ لێپرسراوانی ئیداری پارێزگای هەڵەبجە گفتوگۆیان کرد لەسەر گرفتەكانی پارێزگای هەڵەبجە لە حكومەتی عێراقی فیدراڵدا.

پاش کۆبونەوەکە د. جوان ئیحسان لە کۆنگرەیەکی رۆژنامەوانیدا رایگەیاند: بە گرنگییەوە كار لەسەر پرسی هەڵەبجە و سەرپێخستنی ئەو پارێزگایە دەکەن لە ئەنجومەنی نوێنەران.

وتیشی: مەبەستی سەرەکی سەردانەکەیان لێکۆڵینەوەی جدییە لەسەر دواکەوتنی راگەیاندنی بە پارێزگاکردنی هەڵەبجە.

PUKmedia تایبەت