سلێمانی.. گۆشتفرۆشی دووبرا دادەخرێت

سلێمانی.. گۆشتفرۆشی دووبرا دادەخرێت


20/5/2020 13:56:00
چاپ کردن
بە وێنەوە    بە بێ وێنە
           
.

به‌هۆی فرۆشتنی گۆشتی به‌ستو به‌ نرخی فرێش و سه‌ربڕینی ئاژه‌ڵ به‌شێوه‌ی نایاسایی، له‌لایه‌ن لیژنه‌ هاوبه‌شه‌كانی قائیمقامیه‌تی سلێمانی گۆشتفرۆشی دوبرا له‌ داره‌سوتاوه‌كه‌ داده‌خرێت و سه‌رۆكی لیژنه‌كانیش ده‌ڵێت: خاوه‌نه‌كه‌ی روبه‌ڕوی رێكاری یاسایی ده‌كه‌نه‌وه‌.

له‌شكر حه‌مید، سه‌رۆكی لیژنه‌ هاوبه‌شه‌كانی قائیمقامیه‌تی سلێمانی لە راگەیەندراویکدا کە کۆپییەکی بۆ PUKmedia نێردراوە رایگەیاندوە: ئه‌مڕۆ چوار شه‌ممه‌، (2020.5.20) له‌ ئه‌نجامی سه‌ردانه‌ به‌رده‌وامه‌كانی لیژنه‌ هاوبه‌شه‌كان له‌ كاته‌ دره‌نگانه‌كانی شه‌وان، به‌هۆی هه‌بونی گۆشی به‌ستو و خاوكردنه‌وه‌ی و فرۆشتنی به‌نرخی فرێش به‌هاوڵاتان، لیژنه‌كان سه‌عات (4)ی به‌یانی له‌ گۆشتفرۆشی دوبرا له‌ بازاڕی داره‌سوتاوه‌كه‌ی شاری سلێمانی ده‌ستیان به‌سه‌ر بڕێكی زۆر گۆشتی به‌ستو له‌گه‌ڵ ژماره‌یك ئاژه‌ڵێ به‌نایاسایی سه‌ربڕدراودا گرتوه‌.

وتیشی: خاوه‌نی شوێنه‌كه‌ له‌و كاته‌دا گۆشته‌كه‌ی بردوه‌ بۆ دوكانه‌كه‌ی و ده‌ستگیراوه‌ به‌سه‌ر مره‌كه‌ب (حبر)ی هاوشێوه‌ی مره‌كه‌بی مۆری كوشتارگه‌ی سلێمانی كه‌ بۆ مۆركردنی ئاژه‌ڵه‌ بێمۆره‌كان به‌كارده‌هێنێت كه‌ پشكنین ڤێتێرنه‌ری و ته‌ندروستی بۆ نه‌كراوه‌ له‌ كوشتارگه‌، و ساغكردنه‌وه‌ی به‌سه‌ر هاوڵاتیاندا به‌نرخی گۆشتی فرێش.

ئاماژەی بەوەشکرد: له‌ڕوی زانستییه‌وه‌ هه‌ر خۆراكێك له‌پله‌ی به‌ستندا بێت، به‌شێك له‌ به‌هاخۆراكییكه‌ی له‌ده‌ست ده‌دات، له‌كاتی خاوبونه‌وه‌شیدا پێكهاته‌ی خانه‌كانی و پڕۆتیناته‌كه‌ی داده‌به‌زێت و به‌كتریا گه‌شه‌ی له‌سه‌ر ده‌كات نابێت جارێكی تر بخرێته‌وه‌ به‌فرگر بۆ دوباره‌ به‌ستنه‌وه‌ی چونكه‌ كاریگه‌ری خراپ له‌سه‌ر ئه‌و خۆراكه‌ دروست ده‌كات، ئه‌مه‌ش رێگه‌پێدراو نییه‌.

هه‌روه‌ك وتیشی: به‌پێی رێنماییه‌كانی وه‌زاره‌تی بازرگانی، فرۆشتنی گۆشتی به‌ستو به‌ نرخی فرێش، فێڵی بازرگانیه‌ له‌به‌رئه‌وه‌ی نرخی گۆشتی فرێش له‌گه‌ڵ نرخی گۆشتی به‌ستو جیایه‌، یاسای سزای بۆ ئه‌و كه‌سانه‌ دیاریكردوه فێڵی بازرگانی له‌هاوڵاتیان ده‌كه‌ن‌، لیژنه‌ هاوبه‌شه‌كانی قائیمقامیه‌تی سلێمانی به‌وهۆیه‌وه‌ خاوه‌ن شوێنه‌كه‌ روبه‌ڕوی یاسا ده‌كه‌نه‌وه‌.

رونیكرده‌وه‌: لیژنه‌ هاوبه‌شه‌كان به‌ هاوكاری به‌ڕێوه‌به‌رایه‌تی ئاسایشی سلێمانی وهێزه‌ ئه‌منییه‌كانی دیكه‌، چونه‌ته‌ شوێنه‌كه‌ و ده‌ستیان به‌سه‌ر (64) كیلۆگرام گۆشتی به‌ستو كه‌ خاوكرابوه‌وه‌ وئاماده‌ كراوه‌ بۆ فرۆشتن له‌گه‌ڵ (6) سه‌ر ئاژه‌ڵی بچوكی سه‌ربڕدراودا گرتوه‌ كه‌به‌شێوه‌ی نایاسایی سه‌ربڕدراون و هێنراون بۆ فرۆشتن.

سه‌رۆكی لیژنه‌ هاوبه‌شه‌كانی قائیمقامیه‌تی سلێمانی وتی: به‌فه‌رمانی قائیمقامی سلێمانی، ده‌ستبه‌جێ گۆشتفرۆشی دوبرا داخراوه‌ و ته‌واوی گۆشته‌ ده‌ستبه‌سه‌ردا گیراوه‌كه‌ ره‌وانه‌ی به‌ڕێوه‌به‌رایه‌تی ڤێتێرنه‌ری كراوه‌ بۆ له‌ناوبردن، هه‌روه‌ها خاوه‌نه‌كه‌شی روبه‌ڕوی رێكاری یاسایی ده‌كرێته‌وه‌.


PUKmedia راگه‌یاندنی قائیمقامیه‌تی سلێمانی

وێنە هەواڵ
  • image04
  • چوارتا.. رەشەبا دەیان درەختی لەڕەگ دەرهێنا

  • image04
  • .

  • image04
  • کۆبونەوەی مەکتەبی سیاسی یەکێتی

  • image04
  • 19ساڵ به‌سه‌ر گیانی سپاردنی شازاد سائیب تێده‌په‌ڕێت

  • image04
  • فراکسیۆنی یەکێتی لە ئەنجومەنی نوێنەرانی عیراق سەردانی پارێزگای هەڵەبجە دەکات

  • image04
  • سێ ساڵ بەسەر كۆچی كاكە نەوە سەركردەو دەستەی دامەزرێنەری یەكێتیدا تێدەپەڕێت

  • image04
  • داقوق.. سوتاندنی دەغڵودانی جوتیارە كوردەكان

  • image04
  • چوار ساڵ به‌سه‌ر رێككه‌وتنی ده‌باشان تێده‌په‌ڕێت


                                           

فرێد تەیفن: دڵخۆشم لە كوردستان گۆڕەپانێكییان بەناوكردووم


فرێد تەیفن لەدیدارێكی ڕۆژنامەنووسیدا باسی كەس و كاری قوربانییانی چەكی كیمایی ساڵی 1988 دەكات و خۆشحاڵی خۆی رادەگەیەنێت لەبەرامبەر ئەو گۆڕەپانەی كە بەناویەوە ك...


  كۆبنهاگن.. خۆپیشاندانێك بۆ كاره‌ دوژمنكارانه‌كان به‌رامبه‌ر به‌ كورد به‌ڕێوه‌چوو
  دانیمارك.. یه‌كێتی به‌شداری به‌خاكسپاردنی ته‌رمی مسته‌فای حه‌سه‌نه‌ گه‌وره‌ كرد
                                           

ئه‌سه‌سه‌رد: ده‌بێت پێداچوونه‌وه‌ به‌ په‌یوه‌ندییه‌كانمان له‌گه‌ڵ پارتی بكه‌ین


سكرتێری ئه‌نجومه‌نی سه‌ركردایه‌تی یه‌كێتیی نیشتمانیی كوردستان ڕایده‌گه‌یه‌نێت: ئێستا پارتی بۆته‌ دوو باڵ و ئه&zwn...


  %63ی شه‌هیدانی كوردستان له سنووری سلێمانییه‌
  44 ساڵ لەمەوبەر کتێبخانەیەک سلێمانی روناککردەوە
                                           

خانەقین .. بەتەنیا بەرگری لە گوندەكەیان دەكەن

لەشەوی 15-5-2020، ژمارەیەك چەكدار هەڵیانكوتایە سەر گوندی موبارەك لەباشوری شاری خانەقین، كە یەكێكە لەنزیكترین گوندەكان لەناوەندی شارەكەوەو، دوای شەڕێكی نیو سەع...


  ده‌رئه‌نجامه‌كانی وازهێنان له‌خوێندن
  كورت و پوخت لەسەر تۆمەتەكانی پارێزگاری دهۆك


کاریکاتێر