دووه‌م:به‌پێپی بڕگه‌ی دووه‌می به‌یانی ژماره‌(35) ی وه‌زاره‌تی ناوخۆ
هاتووچۆی نێوان پارێزگاو ئیداره‌ سه‌ربه‌خۆكان ڕاده‌گیریت، به‌وپێیه‌ ریگا به‌هیچ كه‌سێك نادریت لەپارێزگاکانی دیکەی ھەرێم به‌ئاراسته‌ی گەرمیان ھاتوچۆبکات یان به‌پێچه‌وانه‌وه‌ بڕوات.

سییه‌م:ڕێگه‌ی نێوان ئیداره‌ی گه‌رمیان و ناوچه‌كانی ژێرده‌سه‌ڵاتی حكومه‌تی عێراقی كه‌ ریگاكانی(كه‌لارـجه‌له‌ولا)(كه‌لارـخانه‌قین)(كفری ـ خورماتوو)(كفری ـ جه‌باره‌و قه‌ره‌ته‌په‌) ده‌گرێته‌وه‌ داده‌خریت.

چواره‌م:له‌ڕۆژانی جه‌ژنی ڕه‌مه‌زاندا سه‌رجه‌م بازاڕ و شوێنه‌ گه‌شتیاری و گشتیه‌كان داده‌خرین ڕێگانادریت به‌ گێڕانی پرسه‌و نۆجه‌ژنه‌ و چونه‌ سه‌رقه‌بران ، پاركه‌كان و شوێنی یاری منداڵانیش داده‌خرین.

پێنجه‌م:ژووری ئۆپه‌راسیۆنی ئیداره‌ی گه‌رمیان داوا له‌ مامۆستایانی ئاینی به‌ڕیز و‌ موسوڵمانان و نوێژخوێنان ده‌كات له‌ پێناو پاراستنی ئاسایشی ته‌ندروستی هه‌مولایه‌كدا پابه‌ند بن به‌جێبه‌جێكردنی رێنماییه‌ ته‌ندروستییه‌كانه‌وه‌.

شه‌شه‌م:تیمه‌كانی ته‌ندروستی و ئێشكگرییه‌كانی به‌رێوه‌به‌رایه‌تییه‌ ئه‌منی و خزمه‌تگوزارییه‌كان له‌ئه‌ركدا ده‌بن و له‌خزمه‌تی هاووڵاتیانی خۆشه‌ویست دا ده‌بن.

له‌كۆتاییدا ژووری ئۆپه‌راسیۆنی ئیداره‌ی گه‌رمیان پیرۆزبایی جه‌ژنی ڕه‌مه‌زان له‌ته‌واوی دانیشتوانی سنوری گه‌رمیان ده‌كات و داواشده‌كات وه‌ك چۆن له‌ڕابردوودا هاوكار و هه‌ماهه‌نگی جێبه‌جێكردنی بڕیار و رینماییه‌ ته‌ندروستییه‌كان بوون، له‌ڕۆژانی جه‌ژنی پیرۆزی ڕه‌مه‌زانیشدا هه‌ربه‌وجۆره‌ پشتیوانی سه‌رخستنی پرۆسه‌ی به‌ره‌نگاربوونه‌وه‌ی ڤایرۆسی كۆرۆنابن.

PUKmedia  فۆتۆ: کاوە جاسم