ناڕەزایی وەك دەرفەت

ناڕەزایی وەك دەرفەت


20/5/2020 09:29:00
چاپ کردن
بە وێنەوە    بە بێ وێنە
           
.

لەكاتێكدا خۆپێشاندان و دەنگی نارەڕازیی لەھەرێمی كوردستان سەری ھەڵداوەتەوەو گەیشتووەتە شارێك كە پێشتر لە زۆربەی قەیران و بارودۆخە سەختەكاندا خەڵكەكەی بێدەنگیان ھەڵبژاردوەو ئامادەنەبوون دژی ئەم حكومەت و سیستمی حكومڕانییە بوەستنەوە و بۆ باشكردنی ژیان و گوزەرانیان داوای مافی رەوای خۆیان بكەن، بەڵام ئێستا دۆخەكە بە ھۆی دژواری و سەختی ژیانەوە بە جۆرێك گۆڕاوە خەڵكی بەڕێزی پارێزگای«دھۆك» ی «بێ دەنگ و رازی» لە رابردوو ئێستا ئامادەن بێنە سەر شەقامەكان و بە دەنگێكی بەرز دژی ئەو نادادی و رەوشە دژوارە بووەستنەوە و داوای باشكردنی ژیان و گوزەرانیان بكەن، ئەمە سەردەمێكی نوێی ناڕەزایەتی و زەنگێكی ئاگاداركردنەوەیەو پێویستە حكومەتی ھەرێمی كوردستان لەوە تێبگات ژیانی خەڵك و دۆخەكە گەیشتووەتە ئاستێك و بەجۆرێك دژوار بووە ھێمن ترین و بێوەیترین دانیشتوانی ھەرێم توانای دان بەخۆدا گرتنیان نەماوەو قەیران و گیرفان بەتاڵی تینی بۆ ھێناون و ناتوانن لەمە زیاتر دانبەخۆیاندا بگرن،

لەم كاتەدا لە بری ئەوەی دامەزراوەكانی حكومەت بەرەنگاری ئەو دەنگە نوێیە ببنەوەو دەستگیریان بكەن كە داوای سادەترین مافی خۆیان دەكەن، رێگە دروستەكە ئەوەیە وەك وەڵام دانەوەیەك بۆ قۆناغەكە حكومەت دەست بخاتە سەر برینەكەو تا كارلەكار نەترازاوە فریای خۆی بكەوێت و ھەنگاوی كرداری پێویست بنێت بۆ باشكردنی باری ژیانی خەڵك ،

خۆپیشاندان و ناڕەزایی ھاوڵاتیانی دھۆك و دەڤەری بادینان پێویستی بەوەیە خوێندنەوەی زیاتری بۆ بكرێت گەر ھەستێكی بەرپرسیارێتی مابێت ھەق وایە بەرپرسانی ئەم حكومەتە راچەڵەكێنێت و باشتر لە رابردوو بیرێك لە سیستمی بەڕێوەبردنی ھەرێمی كوردستان بكرێتەوە ، روون و ئاشكرایە لە رابردوودا خەڵكی كوردستان زۆر دانیان بەخۆیاندا گرتووەو لەسەر حسابی سك ھەڵگوشین ساڵانێكی سەخت و دژواریان بەڕێكردووە بەڵام وادەردەكەوێت جامەكە پڕ بوبێت و پێویستی بەگرتنەوەی ئاوەكە ھەبێت، ھیچ نەبێت تا ئەو كاتەی خەڵك كەمێك ژیانی بۆ دەگەڕێتەوە،

بەم دواییە كە ناڕەزایەتی و دووبارە دەنگی خەڵكی برسی و گیرفان خاڵی لە شەقامەكان دەبیسترێت باشترین و گونجاوترین بژاردە لەبەردەم حكومەت و بەرپرسانی ھەرێم بیستنی ئەو دەنگە و ھەنگاونانی خێرایە بۆ باشكردنی ژیان و گوزەرانی خەڵك، ھەرچەندە خەڵكیش لەوە تێدەگات بەھۆی ئەو دۆخە داراییە نوێیەی رووبەڕووی ھەرێم بووەتەوە رەنگە توانای حكومەت لەو ئاستەدا نەبێت ھەنگاوی گەرە بنێت داوای ھاوڵاتیان و خەڵكە ناڕازییەكەی ئێستا زۆر سادە و ساكارەو تەنیا داوای موچە و كەمێك سوككردنی ئەو بارە قورسەدەكەن كە بەرۆكی ژیانیانی گرتووە و ژیانی لێ تاڵ كردوون، گرنگە حكومەت بە لەبەرچاوگرتنی ژیانی خەڵك ئەو مەودایە كەم بكاتەوە كە لەنێوان خۆی و خەڵكدا دروست بووە، لە رابردوودا زۆربەی ناڕەزایەتییەكان بەتایبەت لە زۆنی «زەرد» بە زەبری فشار و ھێز كۆتایی پێ ھێنراوە، لەمەودوا حكومەت و بەرپرسانی ئەم ھەرێمە گرنگە لەوە تێبگەن لەبری بەكارھێنانی ھێز و دەستگیر كردن و چاو سوركردنەوە پەنا بۆ رێگریەكی تر بەرن، رێگەی لەبەرچاوگرتنی داواكاری خەڵك و باشكردنی ژیانیان ، ئەمە وادەكات خەڵك ھەست بەوە بكات حكومەتێك ھەیە بەرپرسە لە باشكردنی ژیانی ئەوان و كار بۆ جێبەجێكردنی داواكارییەكانیان دەكات ئەو كات جۆرێك لە متمانەش دەگەڕێتەوەو ئەو درزەی گەورەیەی كە بێ متمانەیی لەنێوان خەڵك و حكومەت دروستی كردووە كەمتر و كاڵتر دەبێتەوە، ئەگەر بمانەوێت تا رادەیەك كێشەكان گەورەتر نەبن و خەڵك ھەموو رۆژێك نەیەتە سەرشەقامەكان و لەداخی گیرفان بە تاڵیدا بەرد بارانی دەمودەزگاكانی دەوڵەت نەكەن دەبێت لەمەودوا حكومەت گوێیەكی ھەبێت بۆ بیستن و دەست و قاچێكی ھەبێت بۆ جێبەجێكردنی داواو داخوازی خەڵكی كوردستان,

ئەو نیگەرانی و ناڕەزایەتییەی كە بەم دواییە ھاتووەتە ئاراوە لەبری ئەوەی حكومەت پێی سەغڵەت بێت و ھەنگاوی دژ بھاوێت ھەق وایە بكرێتە دەرفەتی بەخۆدا چونەوەو چارەسەركردنی كەلێن و كەموكەرتیەكانی حكومڕانی و باشكردنی ژیانی خەڵكی كوردستان.

مەریوان عەبدوڵڵا

PUKmedia تایبەت

وێنە هەواڵ
  • image04
  • ئەمڕۆ رۆژی جیهانی ژینگەیە

  • image04
  • ناكۆكیش بین كۆرۆنا دوژمنی هاوبه‌شمانه‌

  • image04
  • سه‌نگه‌ری خۆپارێزێ سه‌نگه‌ری پێشمه‌رگه‌یه‌ بیپارێزه‌، بمانپارێزه‌

  • image04
  • لەرۆژژمێری خشتەی ھەفتە یادی یەكێتیدا ئەمرۆ رۆژی ژنانە

  • image04
  • .

  • image04
  • .

  • image04
  • .

  • image04
  • تێکۆشەرانی دێرین ھەموو ئەو ھەڤاڵە خەباتگێڕانەن کە لە رەوتی خەباتی دەیان ساڵەی یەکێتی و شۆڕشی نوێدا رۆڵیان لەسەرخستنی ئەم کاروانە چل و پێنج ساڵیەدا گێڕاوە.


                                           

پێشمه‌رگه‌ دێرینه‌كانی هه‌نده‌ران یادی دامه‌زراندنی یه‌كێتی پیرۆز ده‌كه‌ن


له‌ڕێگه‌ی سكایپه‌وه‌ به‌ سه‌رپه‌رشتی سه‌عدی پیره‌ لێپرسراوی مه‌كته‌بی ناوه‌نده‌كانی ده‌ره‌وه‌ی وڵات و مه&zw...


  کەنەدا.. تەرمی ئاران بە خاك دەسپێردرێت
  فینلاند..ناوەندی یەکێتیی کۆدەبێتەوە
                                           

لەتیف شێخ عومەر: یەكێك لە ماناكانی نوێبوونەوە گەڕانـەوەیە بۆ باوەڕە نەگۆڕەكانی یەكێتی


لەدیدارێكیدا لەگەڵ رادیۆی دەنگی گەلی كوردستاندا بەبۆنەی 45-ەمین ساڵیادی دامەزراندنی یەكێتیی نیشتمانیی كوردستاندا، هەڤاڵ لەتیف شێخ عومەر ئەندامی مەكتەبی سیاسی ...


  ئه‌سه‌سه‌رد: ده‌بێت پێداچوونه‌وه‌ به‌ په‌یوه‌ندییه‌كانمان له‌گه‌ڵ پارتی بكه‌ین
  %63ی شه‌هیدانی كوردستان له سنووری سلێمانییه‌
                                           

هەرێم كەمال ئاغا: لەیەك تێگەیشتنی باش لەنێوان هەرێم و بەغدا هەیە

لەچاوپێكەوتنێكیدا لەگەڵ PUKmedia   هەرێم كەمال ئاغا ئەندامی ئەنجومەنی نوێنەرانی عیراق، جەختدەكاتەوە،  سەركەوتن بەسەر داعش، پێویستی بەسەركەوتنە ...


  دۆسیە گرنگەكانی بەردەم گفتوگۆی ستراتیژی نێوان ئەمەریكا وعیراق
  دیدگای سیاسی و ئابووری یەكێتی لە دیدی ئەندامانی سەركردایەتییەوە


کاریکاتێر