حکومەتی عیراق دەستکاری موچەی فەرمانبەرانی ناکات

.

ئەندامێكی ئەنجومەنی نوێنەرانی عیراق، پێیوایە تەواوی ئەو پێشنیارانەی باس لە كەمكردنەوەی موچەی فەرمانبەرانی عیراق دەكات، رەتدەكرێنەوە.

شێروان میرزا ئەندامی ئەنجومەنی نوێنەرانی عیراق تایبەت بە PUKmedia ی راگەیاند: دوای دروستبوونی قەیرانی كۆرۆناو دواتر دابەزینی نرخی نەوت،  عیراق روبەڕووی قەیرانی ئابوری بووەتەوە.

وتیشی:  پێشتر بۆ چارەسەركردنی موچەی فەرمانبەران، چەند پێشنیارێك خراوەتەڕوو، كە هەندێكیان باسیان لەكەمكردنەوەی موچەی فەرمانبەران كردوە.

رونیشكردەوە: تەواوی ئەو پێشنیارانە سەركەوتوو نەبوون و لایەنەكانی ناوپەرلەمان جەخت لە دەستكارینەكردنی موچەی فەرمانبەران كردوەتەوە.

باسی لەوەشكرد: بەبەرزبوونەوەی نرخی نەوت قورسایی ئەو قەیرانانە كەمدەبنەوە، بۆیە لەئێستادا بیر لەمیكانزمی گونجاوتر دەكرێتەوە.

PUKmedia سامان یاروەیس