توێژینەوەیەك: لە كۆتایی 2019 ڤایرۆسی كۆرۆنا لە هەرێم هەبووە

.

توێژەرانی توێژینەوەیەكی زانستی باوەڕیان وایە خەڵكی هەرێمی كوردستان لە كۆتایی ساڵی 2019 و سەرەتای ساڵی 2020 دووچاری ڤایرۆسی كۆرۆنا بوونەتەوە. 

دوو مامۆستای زانكۆی چەرموو بەناوەكانی د. دانا خدر و د. كارزان رەفیق  بەھاوبەشی لەگەڵ چەند توێژەرێكی دیكە ، توێژینەوەیەكیان لەگۆڤارێكی زانستی نێودەوڵەتی بڵاوكردەوە سەبارەت بە ھۆكارەكانی كەمی ڤایرۆسی كۆرۆنا لە ھەرێمی كوردستان.

ناونیشانی توێژینەوەوكە بریتییە لە Factors Contributing to the Containment of the COVID-19 in Kurdistan Region of Iraq و تێیدا پێشنیاری زانستیانە خراوەتەڕوو سەبارەت بە ھۆكارەكانی كەمی روودانی ڤایرۆسی كۆرۆنا لە ھەرێمی كوردستان بەبەراورد بە وڵاتانی دراوسێ.

توێژەرەكان باوەڕیان وایە خەڵكی ھەرێمی كوردستان لە كۆتایی ساڵی 2019 و سەرەتای ساڵی 2020 دووچاری پەتاكە بۆتەوە  كە لە بەرگری (Herd Immunity) لە كۆمەڵگەدا روویداوە.

PUKmedia تایبەت