riklam

سەرۆكایەتی یەكێتی: بە چاوی وەفادارییەوە دەڕوانينە خەباتی كاك نەوشیروان

ی.ن.ک‌‌ 10:04 AM - 2020-05-19
.

.

لە سێیەمین ساڵیادی كۆچی دوایی نەوشیروان مستەفادا، سەرۆكایەتی یەكێتی پەیامێكی بڵاوكردەوە و رایدەگەیەنێت، كاك نەوشیروان و هەڤاڵەكانی لەناو یەكێتی، لە پێناو ئازادی و دیموكراسی و دادپەروەری و مافی چارەی خۆنووسیندا، شۆڕشی نوێی گەلی كوردستانیان هەڵگیرساند.

دەقی پەیامەكە...

ئەمڕۆ ساڵیادی كۆچی دوایی سەركردەیەكی قارەمانی كوردستانە.
 لەم یادەدا سەری رێز و وەفا بۆ هزر و خەبات و قەڵەمی نیشتمانپەروەرێك دادەنەوێنین، كە بەدەم رێگای سەخت و دووری تێكۆشانەوە، گوڵچنی كولتوور و ئەدەب و مێژووی شۆڕشی كوردستانی كردووە. دوای خۆیشی، گەنجینەیەكی گەورەی سیاسی، میژوویی، كۆمەڵایەتی، و زمانەوانی بۆ ‌جێهێشتووین.

یەكێتیی نیشتمانیی كوردستان، هەمیشە بە چاوی وەفادارییەوە دەڕوانێتە خەباتی كاك نەوشیروان و هەڤاڵەكانی لەناو یەكێتی، كە لە پێناو ئازادی و دیموكراسی و دادپەروەری و مافی چارەی خۆنووسیندا، شۆڕشی نوێی گەلی كوردستانیان هەڵگیرساند.
ئەمڕۆ و نزیك بە نیو سەدە دوای ئەو رۆژگارە، كوردستان لە هەمووكات زیاتر پێویستی بە سیاسەتی حەكیمانەی مام جەلال و راشكاویی كاك نەوشیروانە و جێگەی خاڵیی ئەم دوو هاوڕێیەی خەبات، بە روونی لە تانوپۆی كوردەواریدا هەستی پێدەكریت.

لە یادمانە دوا هەنگاوی سیاسیی مام جەلال و كاك نەوشیروان، كاركردن بووە بۆ دروستكردنی سەركردایەتیی هاوبەشی یەكێتی و گۆڕان. ئەمڕۆ ئێمە دریژەدان بەو هەنگاوه،‌ بە ئەركێكی سەرەكی خۆمان دەزانین و خەباتی بۆ دەكەین.
بەو هیوایەی یەكخستنی ریزەكانمان لە پێناو خزمەتكردنی شایستەی خەڵكی كوردستان، رۆحی ئەوان و سەرجەم شەهید و تێكۆشەرانی ئەم رێبازە ئاسوودە بكات.

سەرۆكایەتیی یەكێتیی نیشتمانیی كوردستان

PUKmedia تایبەت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket